«Kókbozat» kómek kórsete bastady

Astana qalasyndaǵy «Kókbozat» qoǵamdyq birlestigi «Ishki saıasat basqarmasy» MM-men birlese otyryp búldirgish sektalardyń áserine ushyraǵandarǵa qyzmet kórsetý ortalyǵyn ashty. Osyǵan baılanysty keshe «Destrýktıvti dinı aǵymdar: ózekti máseleler» taqyrybymen konferensııa uıymdastyryldy. Konferensııaǵa qatysqan din­tanýshylar, zańgerler jáne psıhologtar elimizdegi dinı aǵym­dar­dyń búgingi kúı-jaıy týraly ártúrli taqyrypta baıandamalar jasady. Táýelsizdik alyp, dinı senimge erkindik berilgeli beri, Qazaqstanda 1989-2004 jyldar aralyǵynda 160 dinı birlestikter bolsa, 2004-2009 jyldar ishinde olardyń sany 254-ke deıin jetken. Sonymen birge 2009 jyldan bastap bul kórsetkishtiń belgili bir dárejede qysqarǵa­nyn da aıtady dintanýshylar. Osyǵan qaramastan búldir­gish dinı aǵymdar yqpalynan zar­dap shekkenderge qyzmet kór­setý or­talyqtarynyń kóptik etpeıtinin osy birlestiktiń arnaıy psıho­lo­gy, Qazaqstan psıhologtary asso­sıasııasynyń múshesi Lımana Qut­ty­bekqyzynyń sózinen baı­qaý­ǵa bo­la­dy. «Búginde Qazaqstanda dás­túrli emes dinı aǵymdardan zardap shekkenderge qyzmet kórsetetin 17 ortalyq  qyzmet atqarady. «Kók­bozat» QB memlekettik jáne she­teldik tájirıbelerge súıene oty­­ryp destrýktıvti dinı aǵym­dar­dyń áserine ushyraǵandarǵa psı­holo­gııalyq jáne zańdyq kómek kór­setýde. Degenmen, bizdiń múm­kin­digimizdiń jetkiliksiz ekenin de aıta ketken jón. Medısınalyq turǵy­dan alǵanda, zardap shekkenderge alty aıdan tórt jylǵa deıin kómek kerek. Biraq, elimizde olardy ar­naıy, uzaq ýaqyt emdeıtin klınıkalar joq. Soǵan baılanysty biz oqytý kýrstaryn da ashyp otyr­myz», – deıdi ol. Túrli dinı aǵymdardyń elge aǵylýyna baılanysty destrýktıvti sektalardyń áserine ushy­raýshylar da kóbeıip ketti. Bireýi mal-múlkinen aıyrylsa, keı­bi­reýleriniń shańyraǵy shaı­qal­dy. Tipti, qyrshyn janyn qıǵan­dar sany da arta túskeni bar­shaǵa aıan. Onyń eń basty sebebi, halyqtyń dinı saýattylyǵynyń tómendigi, rýhanı taıazdyq jáne qazaq ul­ty­na tán eliktegish qasıetinen dep atap kórsetti konferensııada sóz alǵan mamandar. Sol sebepti din­taný­shylar bizdiń musylmandyq dinimizdiń durys qalyptasýy úshin tár­bıeni túzep, dinı saýat ashýdy balabaqsha qabyrǵa­syn­daǵy jetkinshekterden bastaýy­myz kerek dep esepteıdi. Sonda ǵana kitap, kıno, ınternet jáne basqa da joldarman halyqty adas­tyra­tyn burmalanǵan dinı aǵym­dar­dan saqtana alatynymyz anyq. Maıgúl SULTANQYZY, L.N.Gýmılev atyndaǵy Eýrazııa ulttyq ýnıversıtetiniń 4-kýrs stýdenti.