Memleket basshysy Nursultan Nazarbaev ShYU-ǵa múshe memleketter Syrtqy ister mınıstrlerin qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Kezdesýge Qytaı Halyq Respýblıkasynyń mınıstri Iаn Szechı, Qyrǵyz Respýblıkasynyń mınıstri Rýslan Qazaqbaev, Reseı Federasııasynyń mınıstri Sergeı Lavrov, Tájikstan Respýblıkasynyń mınıstri Hamrohon Zarıfı, О́zbekstan Respýblıkasy Syrtqy ister mınıstriniń orynbasary Bahtıer Islamov, ShYU Bas hatshysy Muratbek Imanalıev, Qazaqstan Respýblıkasy Qaýipsizdik Keńesiniń hatshysy Marat Tájın, Qazaqstan Respýblıkasynyń Syrtqy ister mınıstri Erjan Qazyhanov, Qazaqstan Respýblıkasy Prezıdentiniń halyqaralyq máseleler jónindegi kómekshisi Nurlan Ermekbaev jáne ShYU-nyń О́ńirlik antıterrorlyq qurylymy atqarýshy komıtetiniń (О́ATQ AK) dırektory Jenısbek Jýmanbekov qatysty.
Taraptar alda Astanada bolatyn ShYU-ǵa múshe memleketter basshylarynyń mereıtoılyq sammıtin ótkizý máselelerin talqylady.
– Biz áriptesterimizben búgin Prezıdent Nursultan Nazarbaevtyń qabyldaýynda bolǵanymyzǵa qýanyshtymyz. Barlyǵymyz aldaǵy mereıtoılyq sammıt ShYU damýynda mańyzdy kezeń bolyp, uıymymyzdyń ilgeri basýynda zor ról atqarady dep esepteımiz. Atalǵan sammıtti ótkizý úshin Qazaqstan tarapynan aýqymdy jáne tabysty daıyndyq jumystary júrgizildi. Men aldaǵy sammıt qaı jaǵynan alyp qaraǵanda da bizdiń ortaq uıymymyzdyń ómirsheńdigi men jarqyn bolashaǵyn kórsetip beretinine úlken senimdemin. Kezdesý kezinde Nursultan Nazarbaev ShYU aıasyndaǵy yntymaqtastyqty qaýipsizdik, ekonomıka, gýmanıtarlyq salalarda kúsheıtý qajettigin, munyń uıymdy kelesi onjyldyqta damytýda mańyzdy ról atqaratynyn atap kórsetti. Barlyq mınıstrler Prezıdenttiń ıdeıasymen kelisti. QHR Tóraǵasy Hý Szıntao ShYU sammıtine qatysatyn sátti, sondaı-aq Prezıdent Nursultan Nazarbaevtyń shaqyrýy boıynsha Qazaqstanǵa óziniń memlekettik sapary ýaqytyn úlken qýanyshpen kútýde, – dedi jýrnalısterge arnalǵan brıfıngte QHR Syrtqy ister mınıstri Iаn Szechı.