Keshe Memleket basshysy Nursultan Nazarbaev Almatydaǵy rezıdensııasynda Reseı Federasııasynyń Syrtqy ister mınıstri Sergeı Lavrovty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Kezdesýde ekijaqty qarym-qatynastardy damytýǵa, sondaı-aq alda Astanada ótetin ShYU-ǵa múshe memleketter basshylary mereıtoılyq sammıtine qatysty máselelerdiń keń aýqymy talqylandy.
– Qazaqstan Prezıdenti Nursultan Ábishuly Nazarbaevpen kezdesýde biz ShYU-ǵa múshe memleketter jáne baıqaýshy memleketter prezıdentteri qatysatyn, Astanada 15 maýsym kúni ótetin sammıtke daıyndyqtyń qalaı júrip jatqany jóninde aıtyp berdik. Biz Syrtqy ister mınıstrleri keńesiniń májilisinde memleket basshylarynyń qaraýyna shyǵarylatyn barlyq negizgi qujattar jobasyn maquldaýǵa qol jetkizemiz ǵoı degen úmitte ekenimizdi bildirip otyrmyz. Qazaqstan Prezıdenti búgin osyndaı kóńil-kúıdi qoldap, ShYU-nyń onjyldyq mereıtoıy qaýipsizdik, ekonomıkalyq damý salalaryn, gýmanıtarlyq baılanystar salasyn qosa alǵanda, Shanhaı yntymaqtastyq uıymy qyzmetiniń barlyq salalardaǵy yntymaqtastyǵyn tereńdetý boıynsha jańa, alys bolashaqty meńzegen josparlarǵa toly bolatynyna senim bildirdi. Biz Astanada 15 maýsymda ótetin joǵary deńgeıdegi kezdesýge jaqsy daıyndalý úshin erteń osy tolaıym kún tártibin júzege asyrýǵa umtylatyn bolamyz, – dedi jýrnalısterge arnalǵan brıfıngte S.Lavrov.