Qazaqstan Respýblıkasy Prezıdentiniń Jarlyǵy №76

Memlekettik mádenıet uıymdaryna, jekelegen kásibı kórkem, shyǵarmashylyq ujymdarǵa «Ulttyq» mártebe berýdiń qaǵıdasy men sharttaryn bekitý týraly «Mádenıet týraly» Qazaqstan Respýblıkasynyń 2006 jylǵy 15 jeltoqsandaǵy Zańyna sáıkes qaýly etemin: 1. Qosa berilip otyrǵan Memlekettik mádenıet uıymdaryna jekelegen kásibı kórkem, shyǵarmashylyq ujymdarǵa «Ulttyq» mártebe berýdiń qaǵıdasy men sharttary bekitilsin. 2. Osy Jarlyq alǵashqy resmı jarııalanǵannan keıin kúntizbelik on kún ótken soń qoldanysqa engiziledi. Qazaqstan Respýblıkasynyń  Prezıdenti N.NAZARBAEV. Astana, Aqorda, 2011 jylǵy 10 mamyr.     №76 ------------------------------------------------------------

Qazaqstan Respýblıkasy Prezıdentiniń  2011 jylǵy 10 mamyrdaǵy №76 Jarlyǵymen  bekitilgen

Memlekettik mádenıet uıymdaryna, jekelegen kásibı kórkem, shyǵarmashylyq ujymdarǵa «Ulttyq» mártebe berýdiń

QAǴIDASY MEN ShARTTARY

1. Jalpy erejeler 1. Osy Memlekettik mádenıet uıymdaryna, jekelegen kásibı kór­kem, shyǵarmashylyq ujym­dar­ǵa «Ulttyq» mártebe berýdiń qa­ǵıdasy men sharttary (budan ári – Qaǵıda) «Mádenıet týraly» 2006 jylǵy 15 jeltoqsandaǵy Qa­zaq­stan Respýblıkasynyń Za­ńyna sáıkes ázirlengen jáne memlekettik mádenıet uıym­dary­­na, jekelegen kásibı kórkem, shyǵarmashylyq ujymdarǵa «Ult­­tyq» mártebe berýdiń tártibi men sharttaryn aıqyndaıdy. 2. «Ulttyq» mártebe alýǵa úmitker memlekettik mádenıet uıymdaryna, jekelegen kásibı kórkem, shyǵarmashylyq ujymdarǵa qoıylatyn talaptar 2. «Ulttyq» mártebe qyzmeti mádenıet salasynda erekshe memlekettik jáne qoǵamdyq mánge ıe jáne mynadaı talaptarǵa sáıkes keletin memlekettik mádenıet uı­ym­daryna, jekelegen kásibı kór­kem, shyǵarmashylyq ujymdarǵa beriledi: 1) myna: Qazaqstan Respýblıkasynyń Úkimeti bekitetin tártippen berilgen «Akademııalyq» mártebesi bar; elde jáne shetelde jylyna keminde alpys konsert ótkizetin konserttik uıymdar, jekelegen kásibı kórkem, shyǵarmashylyq ujymdar; jańa qoıylymdardy qosa al­ǵan­da, jylyna keminde eki júz spek­takl kórsetýdi júzege asy­ra­tyn teatrlar; jeke turǵan ǵımaraty bar teatrlar, konserttik uıymdar, jekelegen kásibı kórkem, shyǵar­ma­shylyq ujymdar; 2) myna: keminde jıyrma bes jyl tu­raq­ty jáne tıimdi qyzmetti júze­ge asyryp kele jatqan; óz qyzmetinde kásipqoılyqty, ju­mystyń tıimdiligi men sapa­syn arttyrý úshin ınnovasııalar engizetin; jeke turǵan ǵımaraty bar; halyqaralyq baǵdarlamalar men jobalarǵa qatysatyn; murajaılarda murajaı qory­nyń quramynda ulttyq mádenı ıgilik bolyp tabylatyn mádenı qun­dy­lyqtardyń keminde on paıy­zy bar; kitaphanalarda kitaphana qo­ry­nyń quramynda keminde on paıyzy ulttyq mádenı ıgilik bo­lyp ta­by­latyn sırek qoljaz­ba­lar­dyń, kóne kitaptardyń, qu­jat­tar men basy­lym­dardyń kol­leksııalary bar murajaılar men kitaphanalar. 3. Teatrlarǵa, konserttik uı­ym­­dar­ǵa, jekelegen kásibı kór­kem, shy­ǵarmashylyq ujymdarǵa «Ult­tyq» mártebe berý «Aka­de­mııalyq» mártebe berilgen sátinen bastap keminde on jyl ótken soń júrgiziledi. 3. «Ulttyq» mártebe berý tártibi 4. Respýblıkalyq memlekettik mádenıet uıymdarynyń jetekshileri, sondaı-aq oblystardyń, res­pýb­lıkalyq mańyzy bar qala­nyń, astananyń jergilikti at­qarý­shy or­gandarynyń basshy­lary mádenıet salasyndaǵy ortalyq ýákiletti or­ganǵa (budan ári – ýákiletti organ) «Ulttyq» mártebe berý týraly qoldaýhat usynady. Qoldaýhatqa mynadaı qu­jattar qosa beriledi: 1) memlekettik mádenıet uıy­my, jekelegen kásibı kórkem, shy­­ǵarmashylyq ujym qyzmet­ker­­le­ri­niń jalpy jınalysynyń «Ult­tyq» mártebe berýge usyný týraly hattamasynan úzindi kóshirme; 2) memlekettik mádenıet uı­y­my­nyń, jekelegen kásibı kórkem, shyǵarmashylyq ujymnyń qyz­meti týraly Qazaqstannyń máde­nıeti men óneriniń damýyna qos­qan úlesin kórsetetin anyqtama; 3) KSRO-nyń jáne (nemese) Qa­zaqstan Respýblıkasynyń mem­lekettik nagradalary bar má­denıet qyzmetkerleri, shyǵarma­shyl qyz­metkerler týraly má­limetter; 4) «Akademııalyq» mártebe berilgen qujattyń kóshirmesi (teatrlar, konserttik uıymdar, jekelegen kásibı kórkem, shyǵarma­shylyq ujymdar úshin); 5) qyzmeti týraly res­pýb­lıka­lyq deńgeıdegi buqaralyq aqparat quraldarynda jáne shet­eldiń bu­qa­ralyq aqparat qural­da­rynda ja­rııa­lanǵan materıal­dar­dyń (keminde on jarııalanym) kóshirmeleri; 6) mádenıet salasyndaǵy is-sharalarǵa (respýblıkalyq jáne halyqaralyq mańyzy bar kon­kýrs­tarǵa, festıvaldarǵa, kór­me­lerge) qatysqany jáne (nemese) júldeli oryndar alǵany tý­raly kýálan­dy­ratyn qujattar­dyń kóshirmesi. 5. Osy Qaǵıdanyń 4-tarma­ǵyn­­da kórsetilgen qujattar teatr­dyń, konserttik uıymnyń, jekelegen kásibı kórkem, shyǵar­mashylyq ujym­nyń «Akademııa­lyq» mártebe berilgen sátten bastap sińirgen eńbegin kórsetýge tıis. 6. Qoldaýhattar aǵymdaǵy jyl­dyń 1 shildesine deıingi merzimde ýá­kiletti organnyń meken­jaıyna ji­berilýge tıis. Kórse­tilgen merzimdi buza otyryp jiberilgen qol­daýhattar qaraýǵa qabyldanbaıdy. 7. Ýákiletti organnyń jany­nan qurylǵan arnaıy komıs­sııa­nyń usy­nymy negizinde 10 qa­zanǵa deıin ýákiletti organ Qa­zaqstan Res­pýb­lıkasynyń Úki­metine Qazaq­stan Respýblıkasy­nyń zańnamasy­na sáıkes memlekettik mádenıet uıymdary men jekelegen kásibı kórkem, shyǵar­mashylyq ujymdar­ǵa «Ulttyq» mártebe berý týraly usynys engizedi. 8. Qazaqstan Respýblıkasy­nyń Úkimeti zańnamada kózdelgen tár­tip­pen Qazaqstan Respýblı­kasy Pre­zıdentiniń Ákimshiligine memlekettik mádenıet uıym­daryna, je­kelegen kásibı kórkem, shy­ǵar­ma­shylyq ujymdarǵa «Ult­tyq» már­tebe berý týraly Qa­zaqstan Res­pýb­lıkasynyń Pre­zıdenti Jar­lyǵy­nyń jo­ba­sy­n qaraýǵa engizedi. 9. «Ulttyq» mártebeni Qazaq­stan Respýblıkasy Úkimetiniń usy­nýy boıynsha Qazaqstan Res­pýb­lıkasynyń Prezıdenti beredi.