Aǵartýshy ǵalymǵa taǵzym

«Arsenal» kınoteatrynda Astana qalasy Tilderdi damy­tý basqarmasy men qalalyq №25 orta mektebiniń uıymdas­ty­rýy­men tuńǵysh pedagog-aǵar­tý­shy Yby­raı Altyn­sa­rın­niń 170 jyldy­ǵyna oraı áde­bı shy­ǵar­mashylyq kesh ótti. Keshtiń maqsaty – Ybyraı Altynsarınniń shyǵarmashy­ly­­ǵyn, oqý-bilim, tárbıe sala­syn­da­ǵy qyzmeti men halqyna jasa­ǵan óshpes eńbegin oqý­shy­lar men halyq arasynda nasıhattaý desek, sharaǵa Astana qalasy Tilderdi damytý basqarmasynyń bas­tyǵy Oraz­kúl Asanǵazy, «Ybyraı Al­tyn­sarın» qoǵam­dyq qorynyń tóraıymy Tana Áýelbekqyzy, sondaı-aq zııaly qaýym ókil­deri, Ybyraı Altyn­sarın kó­she­siniń turǵyndary já­ne mektep muǵa­limderi men oqý­shylary qatysty. Ybyraı Altynsarın – qazaq­tyń tuńǵysh aǵartýshy ǵalymy. Balalarǵa ana tilin úıretý a­r­qyly halyqtyń baı tili men óne­rin meń­gerip, óner-bilimge baýly­ǵan ustaz. Ádebı shyǵarmashylyq kesh aǵar­tý­shy ǵalym jaıly maǵ­lumat­tar­dy keń aýqymda qamty­ǵan eken. Soǵan oraı jurtshy­lyqqa  ómiri men shyǵarmashy­ly­ǵy keńinen ta­nys­tyryldy. Mektep oqýshylary qoıǵan «Dala sham­­shyraǵy» atty qoıylym Yby­­raı Altynsarın ómirinen syr shertip, alǵashqy ashqan mektebin beıneledi. Sol kezeńdegi Keńes ókimetinen kórgen qy­sym­dy da dál jetkize bildi. Ádebı shyǵarmashylyq kesh barysynda sóz alǵan Nesipbek Aıtuly: «Ybyraı atamyz – al­ǵash qazaq tilinde oqýlyq jazǵan ustaz. Sondaı-aq, ol balalar áde­bıetiniń negizin qalaýshy. Jańa úlgidegi mektepter ashý isimen shu­ǵyldanǵan ǵalym qazaq qyz­daryn oqytý isine erekshe kóńil bólgeni taǵy bar. 1888 jyly Yrǵyzda qyzdar mektebin uıym­das­tyrýy – uly aǵartýshy­nyń bul turǵyda jasaǵan úlken eńbegi bolyp tabylady», – dep, aǵartýshy jaıly aqparlardy odan ári tolyqtyra tústi. Kesh sońynda til janashyry Orazkúl Asanǵazyqyzy Yby­raı Al­tynsarın kóshesin­de kóp jyl­dar­dan beri turyp jatqan tur­ǵyndar men kóp balaly analarǵa qurmet bildirip, syı-sııapat jasady. Juldyz BAIDILDA.