Jýyrda Almatyda Elbasy Nursultan Nazarbaevtyń ústimizdegi jyldyń 17 sáýirdegi tapsyrmasyna baılanysty, sondaı-aq Premer-Mınıstrdiń birinshi orynbasary О́mirzaq Shókeevtiń jáne Jer resýrstaryn basqarý agenttiginiń tóraǵasy О́.О́zibekovtiń 2011 jylǵy 20 sáýirdegi «Aýylsharýashylyq jerleri revızııasynyń máseleleri týraly» hattamalyq tapsyrmasyna sáıkes «Igerilmeı jáne tıimsiz paıdalanyp jatqan aýyl sharýashylyǵy maqsatyndaǵy jerlerdi anyqtaý jumysynyń barysy týraly» alqaly jıyn bolyp ótti.
Jıynda jaqynda ǵana Almaty oblysy Talǵar aýdany, Besaǵash aýyly mańyndaǵy oryn alǵan zańsyz jer basyp alý faktisi tárizdi keleńsiz jáıtterdiń budan bylaı qaıtalanbaýy úshin Elbasy tapsyrmasyn shuǵyl arada júzege asyrý jaǵy sóz boldy.
Talǵar, Ile, Qarasaı, Eńbekshiqazaq, Jambyl aýdandary ákimderiniń orynbasarlary men ondaǵy jer qatynastary basqarmasy basshylary, sondaı-aq Almaty oblysy ákiminiń tikeleı nusqaýymen qurylǵan arnaıy komıssııa músheleri atalǵan otyrysta kún tártibinde turǵan osy ózekti máseleni qalaı da ońdy túrde sheshý jóninde óz oılaryn ortaǵa saldy.
Baıandamashy Almaty oblysy jáne Almaty qalasy boıynsha óńiraralyq jer ınspeksııasy bastyǵynyń orynbasary Abdolla Joldaǵutov atalǵan ıgerilmeı jatqan jerlerdi memleket tarapynan retteýge qatysty 5 túr boıynsha satylap júzege asyrýdyń algorıtmin kópshilik nazaryna usyndy.
Jıyn sońynda oǵan qatysýshylar biraýyzdan sheshim qabyldap, aldaǵy ýqytta osy bir túıini qıyn túıtkildi máseleni sheshýde «bir jaǵadan bas, bir jeńnen qol shyǵara» otyryp birlese jumys isteýge kelisip tarasty.
Aınash ESALI, Almaty.