Elimizdegi eń iri ári baıyrǵy áskerı qurylym

Mine, osyndaı sabaqtastyqty jalǵap kele jatqan Qazaqstan Respýblıkasy Qarýly Kúshteriniń «Shyǵys» óńirlik qolbasshylyǵy únemi aldyńǵy oryndardan kórinýde. Táýelsizdiktiń 25 jyly ishinde bul qolbasshylyqty general-leıtenant Fedor Sherbakov, general-leıtenant Baqytjan Ertaev, general-polkovnık Sáken Jasuzaqov, general-leıtenant Nıkolaı Pospelov, general-maıor Vasılıı Rysbaev jáne taǵy bas­qalar basqaryp, Semeı qa­la­synda abyroımen qyzmet ete bil­di. Osy qolbasshylarǵa El­ba­synyń tapsyrmasymen Táý­elsiz Qazaqstannyń qýatty armııasyn jetildirý jumysy tapsyryldy. Olar óz mindetterin abyroımen atqardy.

– Sardarlar men sarbazdardyń aıtýly legin daıyndaı bilgen osynaý bilikti basshylardyń tárbıesinen shyqqan azamattar búginde Qazaqstan Qarýly Kúsh­teriniń jetekshi, basshylyq qyz­metterinde júr, – deıdi «Shyǵys» óńirlik qolbasshylyǵy áske­r­leriniń qolbasshysy, general-maı­or Nurlan Qashaǵanov. – Tá-

ý­el­sizdiktiń 25 jylynda jetken je­tistikterimiz aýyz toltyryp aı­tar­lyqtaı. Qatarynan tórt jyl boıy Qurlyq áskerleri arasynda birinshi oryn alyp otyrmyz. Qorǵanys mınıstri, general-polkovnık Sáken Jasuzaqov Qarýly Kúshterdiń áskerı májilisinde 2017 oqý-jattyǵý jylyn «Qarýly Kúshterdiń 25 jyldyǵyna – joǵary jaýyngerlik daıyndyq!» uranymen ótkizýdi usyndy. Mu­nyń bári de el qorǵanysy qamynda at­qarylyp jatqan jumystar. Biz­diń memleketimizdi qorǵaý – ma­ńyzdy is. Áskerı boryshyn óteý­­shi ár jaýynger óz mindetine ja­ý­ap­kershilikpen qaraýy kerek. Al ıyǵynda pogony bar áskerı ja­ý­apty azamattardyń boıynda pat­­rıottyq sezim, týǵan jerge, Otan­ǵa degen qurmet mindetti túr­de bolýy shart.

«Shyǵys» óńirlik qol­bas­shy­lyǵy óziniń áskerı daı­yn­dyq­taryn kún sanap artty­ra túsýde. Jaqynda 28738 áskerı bóliminiń jaýyngerleri artıllerııalyq dıvızııa retinde tapsyrmalarǵa saqadaı-saı ázirlikterin kórsetti. 220 áskerı qyzmetshi men 39 ás­kerı mindetin óteýshi sarbaz «urys alańyna» 2A36 markaly 5 tehnıkany, 3 oqtaýshy kólikti já­ne taǵy basqa da qajetti tehnı­ka­lardy shyǵardy. Bul áskerı bó­limde jaýyngerler ózderiniń biliktilikterin únemi shyńdap tu­rady. Áskerı boryshyn óteýshi sar­bazdar teorııalyq jaǵynan alǵan bilimderin tájirıbemen ushtastyrady. Al dıvızıon ma-

ıorlary Jalǵasbaı Ismuhambetov, maıor Nurlan Apsatarov, kapıtan Jalyn Qurmashev, kapıtan Farhat Toıchın jaýyngerlerdiń daıyndyǵyna árkez erekshe mán beredi.

Tájirıbeni jetildirý, bilik­tilikti arttyrý qashanda mańyz­dy. Jaqynda «Shyǵys» óńirlik qol­basshylyǵyna qarasty áskerı bó­­limder men quramalar ba­ta­lon­darynda serjanttardyń ko­man­­dırlik daıyndyǵy jóninde jı­yn ótti. Munda serjanttardyń ás­kerı sheberligi, daıyndyǵy py­syqtaldy. Sondaı-aq, «Shy­ǵys» óńirlik qolbasshylyǵy serjanttarynyń jumys ádis-tá­sil­de­ri men ozyq tájirıbelerin jan-jaqty taratý maqsaty da nazardan tys qalǵan joq. Jaýyngerlik ázirlik jóninde sabaq júrgizýdiń ádisi men sapasyna basty nazar aýdaryldy. Jıynnyń basym bóligi 44793 jáne 28738 áskerı bó­­limderiniń oqý bazasynda jáne «Shyǵys» jalpy áskerı polıgonynda ótti.

«Shyǵys» óńirlik qol­bas­shylyǵy serjanttar quramy­men jumys jónindegi toptyń nus­qaýshy-serjanty Nurbolat Oqa­sovtyń aıtýynsha, batalondar (dıvızıondar) serjanttarynyń komandırlik daıyndyǵy jóninde jıyn olardyń bilimin tekserip, kásibı ázirlik deńgeıin kóterý úshin asa qajet. Serjantqa kút­pe­gen túrli jaǵdaılarda sheshim qa­byldaı bilý kerek. Sonymen bir­ge, saptyq daıyndyq, dene da­ıar­lyǵy men kásiptik tártipke qa­tysty 100 suraqtan quralǵan bi­ryńǵaı áskerı-kásibı test tap­syrý da serjanttardyń jaý­ap­ker­shiliginde.

Ortalyǵy Semeıde orna­las­­­qan «Shyǵys» óńirlik qo­l­­­-

bas­shylyǵynyń tirligi qyzý ári qar­qyndy. Jaqynda Aıagóz­de­gi Maılıno polıgonynda 10810 ás­ke­rı bóliminiń áskerı jaý­yn­ger­le­ri T-72 tankiniń qa­rý-ja­raǵynan ny­sanaǵa dál tıgizip atý­dan jat­ty­q­ty ári saıysty. Shtattyq atý­dan 3-shi tank batalonynyń je­­­k­e quramy E.Áýbákirovtiń bas­shy­­­ly­ǵy­men úzdik dep tanyldy. Son­­daı-aq, 6-shy tank rotasy da olar­­dan qalyspady. Tank ekı­p­a­jdarynyń ishinde aǵa leı­te­na­nt K.Kenjeǵulov, aǵa serja­nt K.Ázilqııasov jáne tank ekı­pa­jynyń komandıri leıtenant E.Qudaıbergenov, 3 dárejeli ope­rator serjant J.Qambarov jarystyń úzdikteri dep tanyldy. 

«Shyǵys» óńirlik qolbas­shy­ly­ǵyndaǵy jaýyngerlerdiń bir-bi­rine degen qarym-qatynasy erek­she, syılastyqtary joǵary. Ja­ńadan kelgen sarbazdardy ke­msitpeı, teń dárejede us­tap, olarǵa bilgenińdi úıretý – bekitilgen qaǵıda. Osyǵan oraı, jaqynda Qazaqstan Res­pýb­lıkasynyń Bas áskerı proký­ro­ry Erǵalı Merzadınov О́s­ke­men garnızonynyń áskerı qyz­metshilerimen kezdesti. О́skemen garnızonyna qarasty áskerı qurylymdar men bólimderdiń komandırlerimen biriktirilip ótken jıynda Qarýly Kúshter men bas­qa da áskerı qurylymdarda quqyq buzýshylyqtyń aldyn alý jónindegi 2016-2018 jyldarǵa arnalǵan vedomstvoaralyq baǵ­dar­lamanyń barysy tal­qy­lan­dy. Garnızondaǵy áskerı qyzmetshilerdi áleýmettik jaǵy­nan qamtamasyz etý men quqyq tár­tibiniń jaǵdaıy erekshe qa­raldy.

Bas áskerı prokýror E.Mer­za­dınov basty nazar zań­­dylyq pen quqyq tártibin saqtaýǵa aýda­rylýy kerektigin aıryqsha atap ótti. Al Semeı óńirlik gar­nı­zonyndaǵy Áskerı polısııa jasaǵy bastyǵynyń tárbıe jáne ıdeologııalyq jumystar jónindegi orynbasary, podpol­kovnık Darhan Shaıanbaev ju­baılary áskerı qyzmettegi nemese ózderi de áskerı jaýapty qyzmettegi hanymdarmen dóń­ge­lek ústel ótkizdi. Jıynda áıel­­der keńesiniń tóraıymy Lázzat Bóribekqyzy áskerı otba­sy­lardyń berik bolýy, osyndaı jaý­apkershiligi mol jumysta júr­se de, ana men áke bolyp, ot­ba­syna qamqorlyq jasaýǵa da baı­lanysty ekenin atap aıtty. Árıne, endi ǵana otbasyn qurǵan jastarǵa qamqorlyq qajet ekeni túsinikti. Sondaı-aq, kóp balaly áskerı otbasylaryna, áskerı qyzmetshilerdiń jesirlerine de járdem kór­se­tilip turýy kerek.

Jıynda «О́z taǵdyryń óz qo­lyńda», «Barlyq máseleniń she­shýi bar», «Qyzmettesińe sen, ol sa­ǵan aǵa jáne baýyr!», «О́z-ózine qol salýdyń otbasyna ákeletin qasireti» taqyrybynda baıandamalar jasaldy. Podpolkovnık Darhan Shaıanbaev jyl on eki aı uıymdastyrylatyn is-shara­lar áskerı qyzmetshiler men olar­dyń otbasynyń moraldyq-psı­ho­logııalyq jaı-kúıin anyqtap, ony qalypty jaǵdaıda ustaýǵa sep­tesetinin jáne bul iske úlken kómek kórsetip kele jatqan áıel­der keńesiniń jumysyna rıza ekendigin aıtty. О́ıtkeni, qaz­aq halqy aıtatyndaı, «Otan ot­basynan bastalady». Al jaý­ap­kershiligi mol jumysta júrgen kez kelgen áskerı adamnyń tý­ǵan jerge degen qurmeti men pat­rı­ottyq sezimi, onyń rýhanı kú­shi­ne tikeleı baılanysty bolatyny sózsiz. 

Mine, osy baǵyttaǵy aýqymdy ju­mystar bul kúnderi «Shyǵys» óńirlik qolbasshylyǵynda atqa­ry­lyp keledi.

Raýshan NUǴMANBEKOVA, jýrnalıst

SEMEI

Sýretti túsirgen avtor