Keshe Qazaqstan Premer-Mınıstri Kárim Másimov Lıvan Respýblıkasynyń eks-Premer-mınıstri, Parlament depýtaty Fýad Sınoramen saýda-ekonomıkalyq yntymaqtastyq máselelerin talqylady.
TELEFON ARQYLY SО́ILESTI
«Ýkraına Premer-Mınıstri N.Azarovpen telefon arqyly áńgimelestim», - dep jazdy K.Másimov Twitter-de.
Sóılesý barysynda ekijaqty qarym-qatynas máseleleri, Keden odaǵy jáne Ýkraına arasyndaǵy qarym-qatynas, sondaı-aq Ýkraına Premer-mınıstriniń Qazaqstanǵa aldaǵy sapary talqylandy, delingen blogtaǵy habarlamada.
JAŃA BASShYNY TANYSTYRDY
QazAqparat /Marlan Jıembaı/. Úkimet basshysy Kárim Másimov Din isteri jónindegi agenttik ujymyna jańa basshyny tanystyrdy. Memleket basshysynyń Jarlyǵymen atalǵan agenttiktiń qurylǵandyǵyn aıta kele, Premer-Mınıstr: «Búgin men Qaırat Qaıyrbekuly Lama Sharıfti Din isteri jónindegi agenttiktiń tóraǵalyǵyna taǵaıyndaý týraly qaýlyǵa qol qoıdym», dedi.
Sondaı-aq, din óte názik másele ekendigin basa aıtqan Úkimet basshysynyń paıymynsha, memleket dinmen baılanysty máselelerde halyqtyq qozǵalystarmen aldyn-ala kelisýi úshin jaýapty saıasat júrgizýi kerek.
О́z kezeginde zor senim artyp otyrǵan Úkimetke alǵysyn bildirgen Qaırat Lama Sharıf: «Táýelsizdigimizdiń 20 jyldyǵy aıasynda osyndaı sheshim qabyldaý, Din isteri jónindegi agenttik qurý – óte jaýapty ári mańyzdy is. Sondyqtan sizdermen birge alǵa qoıylǵan mindetterdi oryndaımyz degen senim bildirgim keledi», dedi.