Azııa chempıonatynda baq synap jatqan taǵy bir boksshymyz aqtyq synǵa ótti.
91 kılodan joǵary salmaqta judyryqtasatyn Qamshybek Qońqabaevqa birinshi kezekte sharshamaý kerek degen keńes berer edik. Sebebi jartylaı fınaldaǵy Iordanııa ókili Hýsseın Iаshaıshmen qolǵap túıistir kezde, ekinshi raýndtyń ózinde sharshap qalatynyn ańǵardyq. Qarsylasy sonshalyqty myqty bolmaǵanymen, Qońqabaevtyń ózindik oılastyrǵan taktıkalyq oılaryn júzege asyra almaǵany menmundalap tur. Qarsylasynyń dóreki óner kórsetýiniń saldarynan jekpe-jek merziminen buryn aıaqtaldy. Endigi qarsylas – ózbek Bahodır Djalolov. Baıqaǵanymyzdaı, óz jerinde ózbekter jeńisti ońaılyqpen bere salmaıtynyn ańǵartty. Sondyqtan, Qamshybekke ózin-ózi qamshylaıtyn naǵyz syn saǵaty týǵandaı. Almas MANAP, «Egemen Qazaqstan». Tashkentten