Qazaqstan qyzmetin joǵary baǵalady

«Nur Otan» halyqtyq-de­mo­kratııalyq partııasynyń Or­ta­lyq apparatynda keshe «Nur Otan» partııasy Tóraǵa­sy­nyń birinshi orynbasary Nurlan Nyǵ­ma­týlınniń «Lıtva Ha­lyq­tyq par­tııasy» dele­ga­sııa­symen kezdesýi bolyp ótti, dep habarlady «Nur Otan» HDP-nyń baspasóz qyzmeti. Kezdesý barysynda Qazaqstan Respýblıkasynyń Prezıdenti, «Nur Otan» partııasynyń Tór­aǵa­sy Nursultan Nazarbaev pen Lıtva Respýblıkasynyń Prezıdenti Dalıa Grıbaýskaıteniń arqa­synda bizdiń el men Lıtva ara­synda myq­ty iskerlik qatynastar ornaǵany atalyp ótti. Lıtva – Eýropadaǵy qaýipsizdik jáne yn­tymaqtastyq jó­nindegi uıymǵa tóraǵalyqty Qazaqstannan keıin qabyldaǵan el. Lıtvalyq delegasııanyń jetekshisi Kazımıra Prýnskene Qa­zaqstannyń EQYU-ǵa tóraǵaly­ǵy­na, sondaı-aq Memleketimizdiń basshysy Nursultan Nazarbaev­tyń bastamasymen Astana qala­synda ótkizilgen EQYU Sammıtine joǵary baǵa berdi. Nurlan Nyǵmatýlın táýelsiz­dik alǵannan keıingi 20 jylda memleketimizdiń Elbasy jetekshiligimen qol jetkizgen jetistikteri týraly baıandap, «Nur Otan» ha­lyqtyq-demokratııalyq par­tııa­sy men Lıtva Halyqtyq par­tııasy arasynda ornaǵan turaqty qarym-qatynastardy atap ótti. Sondaı-aq partııaaralyq únqaty­sýdy keńeıtý eki el halyq­tary­nyń múddesi úshin asa mańyzdy ekenine nazar aýdardy. Kezdesýde sondaı-aq partııa­aralyq yntymaqtastyq másele­le­ri talqylandy.