91 kılodan joǵary salmaqta baq synaǵan Qamshybek Qońqabaev pen ózbek boksshysy Bahodır Djalolov arasyndaǵy jekpe-jek birden alma-kezek shabýyldarmen bastaldy.
Qarsylasynyń boıshańdyǵyna qaramastan Qońqabaevtyń sol qolmen baǵyttaǵan soqqysy kózdegen jerine dóp tıip jatty. Djalolov ta qarap qalmady. О́z jankúıerleri aldynda uıatqa qalǵysy kelmese kerek, qolynyń uzyndyǵyn paıdalanyp, soqqysyn jasap úlgerip jatty. Úsh raýnd boıy alma-kezek shabýyldarmen órbigen kezdesýde tóreshilerdiń sheshimimen ózbek boksshysy jeńiske jetti. Osylaısha, Qazaqstan quramasy 1 altyn, 3 kúmis, 4 qola medaldi ıemdenip, beıresmı komandalyq esepte ekinshi oryn aldy. Al 9 altyn medal enshilegen ózbek boksshylary sózsiz Azııa qurlyǵy dodasynda kósh bastady. Almas MANAP, «Egemen Qazaqstan», Tashkentten. foto: Danııar Maılybaev.