Bıyl qasıetti Ramazan aıy 19 aqpan kúni bastalady. Qazaqstan musylmandary dinı basqarmasy (QMDB) osyǵan oraı pitir mólsherin 735 teńge kóleminde bekitti, dep jazady Egemen.kz.
QMDB málimetinshe, pitir sadaqanyń mólsheri elimiz boıynsha 2 keli unnyń ortasha baǵasymen eseptelgen. Al unnyń baǵasy QMDB-nyń qala jáne oblystardaǵy ókildikteriniń bergen málimeti negizinde anyqtalǵan. Basqarma pitir sadaqasyn qurma, meıiz baǵasymen de berýge bolatynyna nazar aýdarǵan.
2026 jylǵy pitir sadaqanyń baǵasy naryqtyq ortasha baǵamen eseptelip tómendegideı bekitildi:
Bıdaı 2 kg – 318 teńge;
Un 2 kg – 735 teńge;
Arpa 4 kg – 514 teńge;
Meıiz 2 kg – 6400 teńge;
Qurma 4 kg – 12400 teńge.
2026 jylǵy Oraza kestesi jarııalandy
«Qazir bıdaıdyń ózi emes, un, talqan sekildi onyń ónimderi keń qoldanylady. Sol sebepti Qazaqstan musylmandary dinı basqarmasy pitir sadaqanyń qunyn unmen esepteýdi negizge alady. О́ıtkeni sharıǵatta bıdaımen qatar onyń ónimderimen de pitir sadaqa berýge ruqsat etiledi. Pitir sadaqany berýdiń ýájip ýaqyty aıttyń birinshi kúni. Ony Ramazan aıynyń birinshi kúninen bastap berýge bolady. Ýaqytynda bere almaǵan jaǵdaıda aıt namazynan keıin berse de bolady. Alaıda pitirdi aıt namazyna deıin berý – mustahab», delingen QMDB taratqan habarlamada.
QMDB aýqatty adamdar pitir sadaqany 2 keli meıizben (6400 teńge) nemese 4 keli qurmamen (12400 teńge) bergeni jaqsyraq ekenin qaperge salǵan.
Bıyl Oraza 19 aqpanda bastalady
«Pidııa mólsheri – bir adamnyń kúndelikti (tańǵy jáne keshki) toıyp ishetin asy. Onyń bıylǵy mólsheri 4000 (tórt myń) teńge bolyp bekitildi. Buǵan shamasy kelmegender orazanyń ár kúnine pitir sadaqasynyń qunyn beredi», dedi QMDB Tóraǵasynyń orynbasary, naıb múftı Sansyzbaı Qurbanuly.