Iran Syrtqy ister mınıstrliginiń resmı ókili Esmaıl Bagaı sońǵy 24 kún ishinde eldiń AQSh-pen eshqandaı baılanysqa shyqpaǵanyn aıtty. Onyń sózinshe, Irannyń Ormuz buǵazy men soǵysty toqtatý sharttary boıynsha ustanymy ózgermegen, dep habarlaıdy Egemen.kz.
Iran tarapy sońǵy kúnderi keıbir dostas elder arqyly AQSh-tan kelissóz bastaý týraly usynystar túskenin rastady. Alaıda bul usynystarǵa jaýap retinde Iran óz ınfraqurylymyna shabýyl jasalǵan jaǵdaıda aýyr saldar bolatynyn eskertken. El bıligi energetıkalyq nysandarǵa qarsy kez kelgen áreketke qarýly kúshter tarapynan jedel ári qatań jaýap beriletinin málimdedi.
Iran Izraıldiń eń iri munaı óńdeý zaýyttaryna shabýyl jasady
Sondaı-aq Iran parlamentiniń spıkeri Mohammad-Bager Galıbaf ta AQSh-pen eshqandaı kelissóz bolmaǵanyn aıtyp, mundaı aqparattardy jalǵan dep atady. Onyń pikirinshe, mundaı habarlar munaı jáne qarjy naryqtaryna áser etý úshin taratylady.
Tramptyń málimdemelerinen keıin Brent munaıy baǵasy shamamen 9%-ǵa tómendep, barreli 96,96 dollardy qurady.
Al Donald Tramp jýrnalısterge bergen suhbatynda kelissózder eki kúnnen beri júrip jatqanyn jáne Iran ıadrolyq qarýdan bas tartýǵa keliskenin aıtqan. Onyń aıtýynsha, kelissózder «joǵary laýazymdy tulǵamen» júrgizilip jatyr, biraq ol jańa kóshbasshy Modjtaba Hameneı emes.
Donald Tramp: Iranǵa qarsy soǵysta AQSh-qa NATO elderiniń kómegi qajet emes
Sonymen qatar Tramp Irandaǵy jańa aıatolla AQSh-pen baılanysqa shyqpaǵanyn, tipti onyń tiri ekeni de belgisiz ekenin málimdedi. Onyń boljamynsha, AQSh pen Iran arasyndaǵy yqtımal baılanystar týraly aqparat Iran bıliginiń keıbir ókilderine jetpegen bolýy múmkin, sebebi el qazirgi jaǵdaıda baılanys ornatýda qıyndyqtarǵa tap bolyp otyr.