Qazaqstan Qarashyǵanaq ken ornynda gaz óńdeý zaýytyn salý josparyn qaıta qarap, jobany burynǵy formatta júzege asyrmaıtynyn resmı túrde málimdedi. Negizgi sebep – operatorlardyń ınvestısııalyq sońǵy sheshimdi uzaq ýaqyt qabyldamaýy jáne jobanyń quny men ekonomıkalyq tıimdiligine qatysty kelispeýshilikter bolyp otyr, dep habarlaıdy Egemen.kz.
PSA ýákiletti organynyń habarlaýynsha, operatordyń usynǵan shyǵyn smetasy bastapqy jospardan birneshe ese asyp ketken, bul jobany Qazaqstan úshin tıimsiz etti. Sonymen qatar, operator jobany bekitý máselesin basqa tikeleı qatysy joq suraqtarmen baılanystyryp otyrǵan, bul kelissóz prosesin qıyndatty.
Alaıda, Qazaqstan gaz óńdeýdi tolyq tastamaıdy. Qazir jańa gaz óńdeý zaýytyn jobalaý jumystary bastaldy. El endi jobany tıimdirek, shyǵyndardy azaıtatyn jáne ekonomıkalyq paıdasy joǵary jańa model boıynsha júzege asyrýdy josparlap otyr.
Qarashyǵanaq operatoryna 2 mlrd teńge kóleminde aıyppul salyndyQarashyǵanaq – Qazaqstan úshin strategııalyq mańyzdy aktıv. Sondyqtan jobanyń jańa formaty tek óndiristik obekt emes, eldiń energetıkalyq turaqtylyǵy men shıkizatty tıimdi paıdalaný strategııasynyń bir bóligi bolady.