Sporttyń túr-túri qamtylǵan bul jarysqa oblystaǵy barlyq buqaralyq aqparat quraldarynyń ókilderi qatysty. Olar osyǵan oraı arnaıy bólingen «Shahter» stadıonynyń basty alańdary men zaldarynda komandalyq saıystarǵa tústi. Eptilik pen kúsh, qabilettilik pen qaırattylyq synasýda aımaq baspasóziniń qarashańyraǵy – «Ortalyq Qazaqstan» gazetiniń qalamgerleri kózge kórindi. Shahmat pen doıbydan, tennıs pen bilek tiresýden áriptesterin aldaryna salmaǵan Aman Janǵojın, Maǵaýııa Sembaı, Tileýqabyl Baıtursyn komandalaryn jeńimpaz atandyrdy.
Bul básekede júldeli oryndardy ıelengen áýesqoı sportshylardan quralǵan oblystyq komanda jýrnalıster arasynda Shymkentte ótetin S.Berdiqulov atyndaǵy týrnırge qatysady.
Aıqyn NESIPBAI.
Qaraǵandy.