Keshe Parlament Senatynyń Tóraǵasy Qaırat Mámı TMD-ǵa qatysýshy memleketter Parlamentaralyq Assambleıasy Keńesiniń Bas hatshysy Mıhaıl Krotovpen kezdesti, dep habarlady osy palatanyń baspasóz qyzmeti.
Q.Mámı bıylǵy 15-17 mamyrda Sankt-Peterbýrgte ótken, Senat delegasııasy qatysqan TMD jáne EýrAzEQ Parlamentaralyq Assambleıalary men UQShU Parlamenttik Assambleıasy is-sharalarynyń qorytyndylaryn joǵary baǵalady.
Tóraǵanyń pikirinshe, TMD elderi parlamentshileriniń ózara tyǵyz is-qımyly Dostastyq memleketteriniń yntymaqtastyǵyn odan ári nyǵaıta túsýge yqpal etetin bolady.
«Biz Parlamenttik Assambleıalardyń halyqaralyq bedelin arttyrýǵa jáne basqa parlamentaralyq uıymdarmen yntymaqtastyqty damytýǵa baǵyttalǵan bastamalardy qoldaımyz», dedi Q.Mámı.