Kelisim qoldaý tappady

Senat Aýǵanstanǵa ásker jiberý týraly zań jobasyn qabyldamady Keshe Parlament Senatynyń Tóraǵasy Qaırat Mámıdiń tóraǵalyq etýimen joǵarǵy palatanyń kezekti jalpy otyrysy boldy. Jalpy otyrystyń kún tártibine qoıylǵan máseleler qarasy qomaqty kórindi. Halyqaralyq kelisimderdi ratıfıkasııalaý jónindegi 5 zańnyń jobasyn jáne halyqty áleýmettik qorǵaý salasyna qatysty zań jobasyn qaraǵan otyrysta bir-birine kereǵar pikirler de aıtyldy. Alǵashqy «Qazaqstan Respýb­lıkasy men Halyqaralyq Qaıta qurý jáne damý banki ara­syn­da­ǵy Qaryz týraly kelisimdi (Teh­nı­kalyq jáne kásiptik bilim berýdi jańǵyrtý jobasy) ratıfıkasııalaý týraly», «Zııatkerlik men­shik quqyqtaryn saqtaý jáne qorǵaý salasyndaǵy biryńǵaı ret­teý qaǵıdattary týraly kelisimdi  ratıfıkasııalaý týraly» zań jobalary depýtattar tarapynan qoldaý taýyp, tez-aq qabyldansa, «Qazaqstan Respýblıkasynyń Úki­meti men Reseı Federa­sııa­sy­nyń Úkimeti arasyndaǵy 1994 jyl­ǵy 10 jeltoqsandaǵy Qazaq­stan Respýblıkasynyń Úkimeti men Reseı Federasııasynyń Úki­meti arasyndaǵy «Baıqońyr» keshenin jalǵa berý shartyna ózge­ris engizý týraly hattamany ratıfıkasııalaý týraly»  zań jo­ba­syna kelgende aldyńǵy jyl­dam­dyq shabandaı berdi. Joba boıynsha bas komıtet sanalatyn Zańnama jáne qu­qyq­tyq máseleler komıteti atalǵan jobany qoldaǵanymen, Halyq­ara­lyq qatynastar, qorǵanys jáne qaýipsizdik komıteti ony qabyldamaý týraly usynys aıt­ty. Senator B.Muhamedjanov bul kelisim erejeleri ǵarysh aıla­ǵyna jatatyn aýmaqta turatyn jáne jumys isteıtin qazaqstan­dyqtar quqyqtarynyń buzy­lýy­na ákelip soǵatynyn atap ótti. Ol Baıqońyr ǵarysh aılaǵyn jalǵa berý týraly alǵashqy kelisim jasalǵannan beri jalǵasyp kele jatqan kórinedi. Komıtet tór­aǵasy Q.Sultanov: Biz Baı­qo­ńyr ǵarysh aılaǵyn jalǵa berip otyrmyz,  al keleshekte osyndaı másele Reseı emes, basqa bir elmen arada týsa ne isteımiz? Sonda olardyń barlyǵyna osy tárizdes zań qabyldaımyz ba dep B.Muhamedjanovtyń pikirine qol­daý kórsetti. Alaıda, senator B.Dosmanbetovtiń pikirinshe, usy­nylyp otyrǵan kelisim ǵarysh aılaǵyndaǵy quqyqtyq másele­ler­di sheshýde ilgerileýdi bildiretin kórinedi. Pikirtalastar sońy­nan senatorlar zań jobasyn qabyldaǵan jón dep tapty. «Keden odaǵy sheńberindegi daýlar boıynsha sharýashylyq júr­gizýshi sýbektilerdiń Eýra­zııa­­lyq ekonomıkalyq  qoǵam­dastyqtyń Sotyna júginýi jáne olar boıynsha sot isin  júrgizý erekshelikteri týraly shartty ratıfıkasııalaý týraly» zań jo­ba­syn ratıfıkasııalaǵannan soń se­natorlar talqylaǵan zań jo­basy «Qazaqstan Respýblıkasy men Soltústik Atlant Sharty Uıy­my arasyndaǵy Aýǵanstan­da­ǵy qaýipsizdikke járdemdesý halyqaralyq kúshteriniń qyzme­ti­ne qatysý týraly notalar almasý nysanyndaǵy kelisimdi ratıfıkasııalaý týraly» zań jobasy boldy. Senatorlar jalpy otyrysta bul zań jobasyn qabyldamaý týraly oılaryn ortaǵa saldy. Zań jobasy boıynsha qosymsha baıandama jasaǵan senator M.Al­tynbaev bizdiń elimizdiń Aý­ǵan­stannyń ishki turaqtylyǵy men qaýipsizdigine, beıbit ómirine gý­manıtarlyq sıpatta kómek berip kele jatqanyn atap ótti. Aýǵan jastaryn oqytý úshin 50 mıllıon AQSh dollary bólinip, olar qazirgi kezde elimizdiń joo-la­rynda bilim alyp jatqanyn aıt­qan senator palata komıtetiniń jobany tutastaı qabyldamaý jó­nindegi jáne ony Májiliske qaı­ta­rý týraly qorytyndysyn jetkizdi. Aýǵanstan týraly jobany qoldamaý týraly pikirge senatorlar S.Jalmaǵambetova men T.Sımambaev ta qosyldy. Talqylaý qorytyndysy boı­yn­sha bul zań joba­syn tutastaı qabyldamaý jáne ony Parlament Májilisine qaıtarý týraly sheshim qa­byldandy. Jalpy otyrysta kún tárti­bine shyǵarylǵan basqa birqatar zań jobalaryn tıisti talqy­laý­lardan keıin maquldaǵan jón degen sheshimder alyndy. Eki zań jobasy Parlament palatalary­nyń arasyndaǵy kelispeýshilikterdi eńserý jónindegi kelisý ko­mıssııasynyń usynystary boı­yn­sha qabyldandy. Otyrysta depýtattar «Qa­zaqstan Respýblıkasynyń keıbir zańnamalyq aktilerine halyqqa qyzmet kórsetý ortalyqtarynyń máseleleri boıynsha ózgerister men tolyqtyrýlar engizý tý­ra­ly» zań jobasy boıynsha Parlament palatalarynyń arasyn­daǵy kelispeýshilikterdi eńserý jó­nin­de­gi kelisý komıssııasynyń qu­ramy­na óz áriptesterin saı­lady. Anar TО́LEÝHANQYZY.