Alystaǵy arabtar da qolushyn berýge ázir

Astanada ótken 7-shi Bú­kilálemdik Islam ekono­mı­ka­lyq forýmyna kelip qatysqan Saýd Arabııasy Ko­roldiginiń Qarjy mınıstri Ibragım Ál-Asaf keshe Semeıge kelip ketti. Al onyń sebebi joq emes-ti. Iаǵnı, elimiz egemendikke qol jetkizip, táýelsiz memleket atanǵannan bergi 20 jyl ishinde eki el arasyndaǵy ózara baılanys ýaqyt ótken saıyn órkendeı túsip keledi. Bir derek osy jyldar ishinde Saýd Arabııasynan bizdiń eli­mizdiń ekonomıkasyna 40 mıllıon dollar ınvestısııa quı­yl­ǵanyn aıǵaqtaıdy. Al sonyń negizgi bóligi den­saýlyq saqtaý salasyna bóli­nip otyrǵan kórinedi. Budan keshegi beıbit zamannyń ózinde qyryq jylǵy qyrǵyndy ba­sy­nan keshirgen ıadrolyq synaq aımaǵy da syrt qalyp otyrǵan joq. Sonyń aıǵaǵyndaı, osy­dan birer aı buryn Er-Rııadta eki tarap Semeıde ókpe aý­rý­laryn emdeıtin balalar aýrý­ha­nasyn salý jónindegi memo­ran­dýmǵa qol qoı­ǵan bolatyn. Al onyń syr­tyn­da ulylardyń izi qalǵan qasıetti qalada 2 myń oryndyq meshit quryly­sy­nyń bastalyp ketkenine bıyl úshinshi jyl. Qu­ry­ly­sy ara-tura toqtap qalyp otyr­ǵan osy meshitke atalǵan mem­leket tarapynan kómek bola­dy eken degen áńgimeniń shyq­qa­nyna da sonsha jyl bolyp qalǵan edi. Abyroı bolǵanda, márte­beli qonaq atbasyn eń aldymen osy meshit qurylysyna kelip tiredi. Qurylys alańynda Qazaq­stan musylmandary dinı bas­qar­masy­nyń Semeı óńiri boıynsha ókil ımamy Tynyshtyqbaı Iаhııa­uly ımandylyq ordasynyń bú­gingi jaı-kúıimen tanystyrdy. Paı­da­ly aýdanynyń ózi 1,5 myń sharshy metrdi quraıtyn eki myń oryndyq bul meshittiń 300 oryndyq medresesi, áıelderdiń namazǵa jyǵylatyn jeke orny, kitaphana, ashanasy bolmaq. Jańa meshittiń dinı, rýhanı orynǵa aınalatyndyǵyna esh kúdik bolmasa kerek. Biraq joqtyq jo­mart­tyń qolyn baılaıdy demekshi, qarjy jaǵynan ara-tura qı­yn­shylyq týyndap otyrǵany da shyndyq. О́tken jyly oblys áki­mi Berdibek Saparbaevtyń kúsh salýymen «Qazaqmys» korpora­sııa­synan 100 mıllıon teń­ge qarjy kelip túsip, toqtap qalǵan qurylysqa qaıta jan bitken. Biraq osy bir ıgilikti sharýa­nyń aıaqtalýy úshin áli de 3 mıllıon dollar kóleminde qarjy kerek. Ýaqyttan ozyp aıta keteıik, óz saparynyń sońynda buqara­lyq aqparat quraldarynyń ókil­derimen ótken baspasóz konfe­rensııasynda Ibragım Ál-Asaf semeılikterdiń úmit otyn mazdata túsken. Túpkilikti sóz túıini eki el arasyndaǵy kelisimge qaraı óristeıtin sekildi. Budan keıin alystan kelgen qonaq qala syrtyndaǵy qara­ǵaı­­ly orman ishinde salynatyn ókpe aýrýlaryn emdeıtin balalar aý­rý­hanasynyń jobasymen tanys­ty. Osy arada alǵashqy sóz oblys ákimi Berdibek Sa­par­baevqa berildi. Ol óz só­zin­de keshegi ıadro­lyq synaq zar­dap­tary sal­da­ry­nan Semeı óńirinde túrli aýrý­lardyń áli de órship, basylmaı turǵandy­ǵyn tilge tıek etti. Sondyqtan qolǵa alynyp jatqan osy bir ıgi sharany tezdetip is júzine asyrýǵa yntalymyz. Sol maq­satta qurylys materıal­da­ry da daıyn, qurylysshylar da ózi­mizden. Sheteldik mınıstr de jas jetkinshekterge arnal­ǵan bul qurylystyń ýa­qy­tyn­da bitýine múddeli ekendigin aıta kelip, ózderiniń ta­rapynan bólinetin qarjy ta­rapynan mú­diris bolmaı­tyn­dyǵyna sendirdi. Sóz arasynda aıta keteıik, osy qurylys jıyny 7 mıl­lıon eýrony qajetsinse, onyń 5 mıllıonyn arabtar kóterip alamyz dep otyr. Jıyn sońynda jergilikti ákim men shetten kelgen mınıstr qurylys irgesine arnaıy kapsýla tósedi. Osy qurylys alańynyń ba­synda onymen aınalysyp jat­qan iri qurylys kompanııa­sy­nyń basshysy, esimi elge keńi­nen tanymal kásipker, oblys­tyq máslıhattyń depýtaty Ásem­­han Dosqojanov jınal­ǵan­dardy qaraǵaıly orman ishindegi balalar aýrýhanasynyń qurylysy aldaǵy jyly qatar­ǵa qosylatyndyǵyna sendirdi. Muny da táýelsizdik tartýy demeske bolmaıdy. Bolmasa keshegi keńes zamanynda synaq aı­maǵyna qaı eldiń mınıstri kelip, jaǵdaıyńa úńilip edi. Sondyqtan táýbe deıik, aǵaıyn! Dáýlet SEISENULY. Semeı.