Kómek qolyn sozdy

«Mańǵystaýmunaıgaz» AQ munaıshylary Batys Qazaqstan oblysyndaǵy sý tasqynynan zardap shekkenderge kómek kórsetti. Batys Qazaqstan oblysynda oryn alǵan qaıǵyly oqıǵa «Mańǵystaýmunaıgaz» AQ ujymyn da beıjaı qaldyrmady. Munaıshylar sý tasqynynan zardap shekkenderge kómek kórsetý qoryna 5 mln. 330 myń teńge aýdardy. – Jerlesterimizge kómek kórsetý bastamasyn qyz­metkerlerimizdiń ózderi kótergenine óte qýa­nysh­tymyz, – deıdi Jetibaı ken ornyndaǵy áleý­met­tik máseleler jónindegi toptyń jetekshi mama­ny Kóksheev Berdiǵalı. – Munaıshylar óz ta­rap­tarynan bul qaıǵyly oqıǵaǵa belsendi kómek kórsetýdi qolǵa aldy. – Biz, bir eldiń azamattary retinde bir-birimizge qoldaý bildirýimiz qajet, – dedi «Mań­ǵys­taý­mu­naı­gaz» AQ ekonomısi Semchev Georgıı. – Jaqyn­da­rym men otandastarym aldyndaǵy jaýapkershilikti sezine otyryp, zardap shekkenderge kómektesý paryzym dep sheshtim. Men bul arqyly ózimniń shette qalmaǵanymdy, kómektiń qashan da bolsa keletinin, bizdiń kúshimiz – birlikte, dostyqta jáne ózara kómekte ekenin kórsetkim keldi! «Mańǵystaýmunaıgaz» aksıonerlik qoǵamy qyz­metkerleri, olardyń otbasy músheleri, aımaq tur­ǵyn­dary jáne búkil qoǵam aldynda joǵary áleý­mettik jaýapkershilik saıasatyn ustanady. Kompa­nııanyń áleýmettik saıasaty kásiporyn damýy jos­pa­rynyń ajyramas bóligi bolyp tabylady. 2010 jyl ishinde «Mańǵystaýmunaıgaz» AQ óńirdiń áleý­mettik ınfraqurylymyn damytýǵa jalpy so­masy 5 mıllıardtaı teńge bóldi. «Mańǵystaýmunaıgaz» AQ áleýmettik baǵdarla­ma­­larynyń kólemin únemi ulǵaıtady ári olardyń oryndalý tıimdiligin baqylaýda ustaıdy. Kásip­or­yn óńirde tek munaı men gaz óndirip qana qoımaı­dy, sondaı-aq oblys pen elimizdiń damýy men gúl­de­nýine kórnekti úles qosýda. Esnazar SULTANOV.