Mańyzdy máselelerge jaýap alyndy

Jaqynda Parlament Se­na­tynda Ekonomıka jáne óńirlik saıasat komıtetiniń depýtattary ko­mıtet tóraıymy Nurly­ǵaı­ym Joldasbaevanyń jetekshilik etýimen bıýdjettik baǵdar­la­malar ákimshilikteri-memle­ket­tik organdardyń basshy­la­ry­­men kezdesti. Onda 2010 jyl­ǵy respýblıkalyq bıýdjet­tiń oryndalýy týraly Úkimet pen Respýblıkalyq bıýdjettiń oryndalýyn baqylaý jónindegi esep komıtetiniń esebi tal­qylandy. Bıýdjettik josparlaý, memlekettik aktıvterdi basqarý tetikteri, bıýdjet tártibin oryn­daý, qarjy monıtorıngin júr­gi­zý, damý ınstıtýttary qyzmetin odan ári jetildirý, ındý­strııa­lyq baǵdarlamalar jo­basyn júzege asyrý máselelerine baı­lanysty depýtattardyń saýal­daryna Ekonomıkalyq damý jáne saýda, Indýstrııa jáne jańa tehnologııalar, Munaı jáne gaz, Kólik jáne kommýnıkasııa, Baılanys jáne aqparat mınıstrlikteriniń basshylary jaýap berdi. Talqylanǵan taqyryp boı­yn­sha Básekelestikti qorǵaý, Ta­bıǵı monopolııalardy retteý, Qu­rylys jáne turǵyn úı-kom­mýnaldyq sharýashylyq isteri jáne Ulttyq ǵarysh agenttikteri basshylarynyń da esebi tyń­dalyp, olar depýtattardyń saýal­daryna jaýap berdi, dep habarlady Parlament Senaty­nyń baspasóz qyzmeti.