Jaqsydan – sharapat

Parlament Májilisiniń depýtaty N.Sabılıanov Shyǵys Qazaqstan oblysyn aralaǵan saparynda Kúrshim aýdanyna da atbasyn buryp, osyndaǵy saılaýshy qaýymmen kezdesý ótkizgen bolatyn. Nurtaı Salıhuly búgingi tańdaǵy saıası jaǵdaımen, memleket basynda josparlanyp jatqan aýqymdy jobalarmen tanystyryp, kóptegen qyzyqty jáıtterdi áńgimeledi. Ony yntamen tyńdaǵan kúrshimdikter ózderin qyzyqtyratyn máseleler boıynsha alýan túrli saýaldar qoıyp, barynsha tııanaqty jaýaptar aldy. Osy basqosýǵa qatysyp otyrǵan Kúrshim aýdandyq mýzyka mektebiniń dırektory, belgili mýzykant, tanymal sazger Múbárak Shákirov depýtatqa óziniń aıtar ótinishi bar ekenin málim etip, sóz suraǵan-dy. N.Sabılıanov ol kisini tyńdaýǵa ázir ekenin bildirip, ortaǵa shaqyrdy. – Men basqaratyn mýzyka mektebi 40 jyl boıy jumys istep, boıynda mýzykalyq qabileti bar daryndy órenderdi osy ǵajaıyp ónerge baýlyp keledi, – dedi M.Shákirov. – Bizdiń mektepti támamdaǵan túlekterdiń ishinde konservatorııa bitirip, respýblıkalyq deńgeıdegi mýzyka mamany atanǵan, túrli óner ordalarynda jemisti eńbek etip júrgen azamattar barshylyq. Qazir de ánshi, bıshi, kúıshi oqýshylarymyz túrli deńgeıdegi konkýrstarda júldeli oryndardy ıelenip, eshkimge des bermeı júr. Al osy óner shańyraǵynda áýel bastan ter tógip, bite qaınasyp kele jatqan meniń eńbegimdi de eshkim joqqa shyǵara almaıdy. Bar sanaly ómirimdi mýzykaǵa, osy salany murat tutqan qabiletti shákirtterdi oqytýǵa arnadym. Eńbegim nátıjesiz emes, Alla jazsa, bıyl zeınet demalysyna shyqqaly otyrmyn. Osynyń barlyǵyn baıandaı kele, Múbárak Ákmaluly óziniń kókeıinde júrgen bir arma­nyn ortaǵa saldy, sonyń júzege asýyna qol­daý jasaýyn ótinip, Nurtaı Salıhulynan kómek surady. – Meniń tálimimdi alyp, óner shyńyna, daryn bıigine qol jetkizgen, sóıtip halqy­nyń qalaýlysy atanǵan ul-qyzdar az emes, dedi M.Shákirov. – О́kinishim joq, jas býynǵa bilgenimdi úırettim, barymdy berdim, ata-analarynyń alǵysyna bólendim. Nurtaı baýyrym, endigi bir armanym – osy tú­lekterimniń bir tobyn alyp baryp Astana tórine shyǵarsam, Kúrshim mýzyka mektebiniń ónerin sol úlken sahnada bir kórsetsem deımin. Sizdiń el-jurtqa, ásirese, balalarǵa jasap júrgen demeýshilik kómegińizdi estip, kórgen saıyn tánti bolyp otyratynymyz shyndyq. Meniń aıtpaǵym: osy maqsatymdy júzege asyrýǵa demeýshilik jasap, aqshalaı kómek berseńiz. Osynsha mazasyzdanǵanda jeke bastyń paıdasyn emes, jas býynnyń qamyn oılap júrgenimdi túsinedi dep bilemin. Halyq qalaýlysy kóp oılanyp-tolǵanǵan joq. Qansha bala aparatynyn, neshe kúnge barmaq oıda ekendigin surap, mán-jaıǵa qa­nyq­qan ol «jaraıdy» degen jaýap qaıtaryp, máseleni birden sheshti. Tek qajetti qujat­tardy daıarlap, ýaqytynda óz atyna joldaýdy tapsyrdy. Kóp uzamaı, sáýir aıynyń basynda mektep esep-shotyna Nurtaı Sabılıanovtan 500 myń teńge qarjy túskenin estigende rıza bolmaǵan jan qalǵan joq. Endi M.Shákirov 30 daryndy shákirti men maqtaýly 10 muǵalimin osy dúbirli saltanatqa, «Astana kúni» merekesine aparýǵa qyzý daıyndyq júrgizip jatyr. Ondaǵy tıisti mekemelermen kelisim-shart jasaýǵa óziniń orynbasary J.Smaıylovty jiberip, barsha máseleni pisirip alǵan mektep dırektory shildeniń 2-si kúni óz ujymymen «sát sapar» dep jolǵa shyqpaq. Sóıtip, 4-5 shilde kúnderi Kúrshim mýzyka mektebiniń órenderi talǵampaz Astana jurtynyń, Elbasynyń aldynda óner kórsetetin bolady. Hasen ZÁKÁRIIа. Shyǵys Qazaqstan oblysy, Kúrshim aýdany.