Atyraýdaǵy munaı óńdeý zaýytynda bastaý alǵan kezekti hosh ıisti kómirsýtekter shyǵaratyn keshen qurylysyn qytaılyq «Sınopek Injınırıng» kompanııasy júrgizýde. Bul kompanııa atalǵan jobaǵa 1 mıllıard 40 mıllıon AQSh dollary kólemindegi ınvestısııalyq qarjyny ıgermek.
Al joba aıaqtalǵanda jylyna 133 myń tonna benzol jáne bir jylda 496 myń tonna paraksılol ónimderin shyǵarýǵa qol jetkizilmek. Sheteldik kompanııa basshylyǵy osy joba qurylysynyń jumystaryna 1700 qazaqstandyq mamandar men jumysshylardy qabyldaýdy kózdep otyr. Bul týraly oblys ákimi Bergeı Rysqalıev pen qytaılyq kompanııa basshylarynyń kezdesýinen keıin málim etildi.
О́ńir basshysynyń aıtýynsha, bul mamandar buryn «AdjıpQKO» kompanııasynyń «Bolashaq» munaı men gazdy keshendi daıyndaý qondyrǵysynyń qurylys jumystarynda shyńdalǵandar. Qazir atalǵan joba qurylysy aıaqtalýymen sheteldik jáne qazaqstandyq jumysshylar, mamandar jumystan qysqartylýda. Endi qazaqstandyq jumysshylar men mamandar Atyraý munaı óńdeý zaýytyndaǵy kezekti joba boıynsha ashylatyn jańa jumys oryndaryna tartylmaq.
Joldasbek ShО́PEǴUL.
Atyraý oblysy.