Baılanys mamandarynyń basqosýy

Astanada telekommýnıkasııa salasyn jetildirý máse­le­sine arnalǵan TELECOM 2011 atty forým ótti. Baı­la­nys jáne aqparat salasy mamandarynyń arasynda jyl­da­ǵy dás­túr boıynsha ótetin kezdesýge elimizdiń barlyq óńirlerinen basqa, Reseı, Germanııa, Slovenııa, Japonııa men О́zbekstannan 150-den astam provaıderler, baılanys ope­ra­torlary men memlekettik qyzmetkerler qatysty. Forýmda elimizdiń telekommýnıkasııa salasyn, ınteraktıvti já­ne sandyq televızııany, keń jo­laqty 4 G mobıldi baı­lanys­ty damytý, elektrondy úkimetti qalyptastyrý, keń jolaqty ınternetpen qamtamasyz etý men aqparattyq qaýipsizdik máseleleri qaraldy. Osy kúnderi «Qazaqtelekom» AQ-nyń jumysynyń nátıjesinde elimizde aqparattyq-kommýnı­ka­sııa­lyq tehnologııany damytýda úl­ken jumystar istelinýde. So­lar­dyń biri elimizdiń barlyq óń­irlerin keń jolaqty ınternetpen qamtamasyz etý jáne jylda­m­dyǵyn eki esege arttyrý jumysy forýmda eń kóp qaralǵan máse­lelerdiń biri boldy. Jalpy, kezdesýde telekommýnıkasııa salasyna arnalǵan 30-dan astam másele qaraldy. «Qa­zaqtelekom» AQ basqarmasynyń tóraǵasy Qýanyshbek Esekeev aıt­qandaı, osylardyń bári bir-birimen baılanysty. Degenmen, ınternettiń sapasy men jyl­dam­dyǵyn arttyrý búginde kezek kút­tirmeıtin máselege aınalyp otyr. Osyǵan baılanysty ol bıyl ın­ternettiń jyldamdyǵyn eki esege arttyrý josparlanyp otyr­ǵanyn aıtty. Onyń aıtýynsha, «Megalaın hıt» tarıftik jospary boı­ynsha 512 Kbıt/s-ten 1 Mbıt/s-ke arttyrý kózdelýde. Al 2012 jyl­ǵa qaraı «Qazaqtelekom» ınternetke qosylǵan sekóntine 40 megabıt jyldamdyǵy bar optı­ka­lyq-talshyqtyq júıeni júrgizýdi josparlaýda. Sonymen birge, ol ınternettiń jyldamdyǵy kóbeı­se de onyń baǵasynyń óspeıtinin, sol qazirgi qalpynda qalatynyn málimdedi. Kezdesýde kóterilgen taǵy bir másele, eki jańa data-orta­lyq­ta­ryn turǵyzýǵa arnaldy. Qazir eli­mizde mundaı 11 ortalyq ju­mys isteýde. Al jańa eki ortalyq «Qazaqtelekom» AQ Dırektorlar keńesiniń sheshimi boıynsha Astana jáne Almaty qalalarynda salynady. Bul ortalyq Qaznetti damytýmen birge, tarıfterdiń ba­ǵasyn ósirmeýge qyzmet etedi delinýde. Odan keıin Qazaqstanda sandyq televızııany ornatý men 4 G júıesin qurý máselesi qaraldy. Serpindi joba retinde  4 G júıesin áýeli Astana men Alma­tyda júrgizý kerek degen bir sheshim qabyldandy. Osy kúni forýmda IT telekommýnıkasııalar kompanııalarynyń kórmesi kórsetilip, eń jańa ón­imderdiń tusaýy kesildi. Sol jerde kórmege kelýshiler eki jaqty is­kerlik jáne dostyq baılanys­tar ornatýǵa múmkindik aldy. Dastan KENJALIN.