Qorǵaljyn qoryǵyndaǵy qaýyshý

Burnaǵy kúni elimizge salmaqty oıy­men tanylyp júrgen jýrnalıster Qorǵal­jyn qoryǵynyń jumystarymen tanysyp, tabı­ǵat­ty qorǵap ári taza ustaı otyryp dem­alý­dyń úlgisin kórsetip qaıtty. Jaz shyǵyp, aınala jasyl jelekke oranǵandaǵy qoryq­tyń kórinisi tym bólek eken. Bárinen buryn ıisi ańqyǵan dala jýsanyn aıtsa­ńyz­shy. Adam balasynyń tabıǵat atty tyl­sym­men jalǵas­qan tamyry úzilip bara jatqan shaqta jınal­ǵan qaýym ókilderi aldarynan kútip alǵan qoryq dırektorynan jaratylys qu­direti, tabıǵattyń múltiksiz zańdylyq­tary  jaıly san syrǵa qanyǵa tústi. Búgingi tańda aqparat maıdanyndaǵy teleradıo jáne baspasóz jýrnalısteriniń qa­ta­ry qolyna pernetaqta ustaǵan ǵalamtor jýrnalısterimen tolyqqany belgili. Son­dyq­tan bolar, ortadaǵy áńgime tabıǵatty aıa­laýdyń tyń usynystarymen tolyǵyp, jara­sym tap­ty. Aqmola oblysynyń soltústik-batysyna qa­raı ornalasqan Qor­ǵal­jyn qoryǵynyń keremetin aıtyp ta, jazyp ta taýysarlyq emes. Eń mańyzdysy, dúnıe júzi ǵalymdarynyń dálel­deýi boıyn­sha, qus jolynyń eki toraby túıi­setindigimen erekshelenedi eken. Sodan bolar, Qorǵaljyn qoryǵy qorǵaýyndaǵy qustardyń san alýan­dyǵy kóz tartady, ıaǵnı 347 qustyń túrleri kezdesedi. Tabıǵattyń tylsym qupııalarymen ta­ny­sa otyryp, adamnyń tabıǵattan alshaqtap bara jatqanyna kóz jetkizdim. Sol úshin jas­tar­dy qalada qamap qoımaı, tabıǵatqa shy­ǵa­ryp, adam tabıǵattyń bir bólshegi ekenin tú­sin­dirip otyrý kerek. Sonda tabı­ǵatpen baı­lanysyn úzbegen jastar tabı­ǵat­ty da kútip, qorǵar edi. Tabıǵatty qorǵaýshylardyń qonaqjaı­ly­ly­ǵy bizdi tań-tamasha qaldyrdy. Qor­ǵal­­jyn memlekettik qoryǵynyń dırektory Mu­rat Aıtjanov ózi bastap qo­ryqty arala­typ, Teńiz kólin motorly qaıy­ǵymen kórse­tip júrip, árbir tas pen shó­biniń, ózen men kóliniń, saı men salasynyń tarıhymen ta­nys­tyrǵanda dala akademıgi me dersiń. Qor­shaǵan ortany qorǵaý mınıstr­liginiń tyń bastamasymen ótken tabıǵatty qorǵaý ári onymen tanysý is-sharasy odan ári  jalǵa­syn tabar degen úmittemiz. Dastan KENJALIN.