Avtomatty júıe tanystyryldy. Kókshetaýda Eńbek jáne halyqty áleýmettik qorǵaý mınıstrliginiń jaýapty hatshysy Tamara Dúısenovanyń qatysýymen «Jumyspen qamtý» avtomatty aqparattyq júıeniń qosalqy jelisi tanystyryldy.
«Jumyspen qamtý – 2020» memlekettik baǵdarlamasy negizindegi jańa júıe tolyqqandy monıtorıngti qamtamasyz ete otyryp, áleýmettik-eńbek salasyndaǵy aqparattyń ashyqtyǵyn maqsat sanaıdy. Aldyn ala esepteýler bıyldyń ózinde 1490 aqmolalyqtyń turaqty jumysqa tartylatynyn kórsetýde. Kásibı daıarlyq joldamasyn ıelengen 520 adamǵa 407 teńge qarjy bólinse, 970 kisi qaıta daıarlyqtan ótetin bolady. Jobanyń ekinshi jáne úshinshi baǵyttarynda 150 adam kásipkerlik negizderine mashyqtanyp, 53 otbasy aýyldyq jerlerge qonys aýdarady. Barlyq 19 aýdanda jumyspen qamtý ortalyqtary jumys istep, 105 maman qyzmet kórsetedi.
Baqbergen AMALBEK, Aqmola oblysy.
Koreıa elshisi kelip ketti. О́tken aptada Qostanaıǵa Koreıanyń Qazaqstandaǵy elshisi Lı Ben-Hva myrza keldi. Ol koreı etnomádenı birlestigi ókilderimen kezdesip, qandastary qoıǵan suraqtarǵa jaýap berdi. Elshimen birge koreı tilindegi «Kore-Ilbo» gazetinde otyz jyl qyzmet istegen qalamger Vladımır Son da keldi. Ol kezdesýde Qazaqstandaǵy baıyrǵy basylymnyń biri – «Koreı-Ilbo» gazetiniń shyǵa bastaǵanyna 85 jyl tolatyndyǵyn aıtty. Sonymen qatar, kelesi jyly koreı dıasporasynyń Qazaqstanǵa qonys aýdarǵanyna 75 jyl bolady. Osy ýaqyt ishinde basylym elimizdegi birlik pen dostyqty, yntymaqty jazdy. Elshi bıyl Koreıanyń Qazaqstandaǵy jyly bolyp belgilenýine baılanysty onyń sheńberinde kóptegen sharalar ótetindiginen habardar etti.
Názıra JÁRIMBETOVA, Qostanaı.
Túrkistan jádigerleri – kerekýde. О́tken aptada oblys ortalyǵyndaǵy G.Potanın atyndaǵy tarıhı-ólketaný mýzeıinde «Áziret Sultan» memlekettik tarıhı-mádenı qoryq murajaıynyń «Táýelsizdik jáne Túrkistan taǵylymy» atty «Mádenı mura» baǵdarlamasy aıasyndaǵy kórme kúnderi odan ári jalǵasty. Eskertkishter – eldiktiń belgisi. Búgingi urpaq – el táýelsizdigine jetkizgen ótkenniń joldaryn bilýi kerek. Kórmede arheologııalyq, qundy tarıhı jádigerler oryn alǵan. Mýzeı qyzmetkerleriniń aıtýynsha, alǵashqy kúnnen bastap kele bastaǵan turǵyndar, tarıhshylar, jastar legi tolastar emes. Shalǵaıdaǵy aýyl mektepteri úshin arnaıy kólikter bekitilgen. Soltústik óńirde «Túrkistan jádigerleri» atty tarıhı kórme kúnderin ótkizý mýzeı ujymdarynyń áriptestik baılanystarynyń arqasynda múmkin boldy.
Farıda BYQAI, Pavlodar.
Ormanshylarǵa kózqaras oń. Jambyl oblysyndaǵy ormandy alqap 4 mıllıon 435 myń gektar jerdi alyp jatyr. Osynsha baılyqty kútýmen jáne zııankesterden qorýmen 14 orman sharýashylyǵy mekemesi aınalysady. Bıyl jasyl jelekterdi qorǵaý isine oblys qarjysynan 31 mıllıon teńge bólinip, órtke qarsy 18 avtomáshıne, 23 traktor iske jumyldyryldy. Sondaı-aq, zárý tehnıkalardy satyp alýǵa qosymsha 62,4 mıllıon teńge qaralǵan. О́tken aptada oblys ákimi Q. Bozymbaev jańadan satyp alynǵan 14 órt sóndirgish, 7 «MTZ-80» traktor, 2 «ÝAZ» avtomáshınesi, 6 kóshet otyrǵyzý máshınesi men 14 qosalqy agregattardy jasyl jelek saqshylaryna saltanatty jaǵdaıda tabys etti.
Kósemáli SÁTTIBAIULY, Jambyl oblysy.
Tabıǵat qorǵaý aksııasy. Semeılikterdiń «Parkter marshy» degen atpen ótkizilip kele jatqan halyqaralyq tabıǵat qorǵaý aksııasyna atsalysa bastaǵanyna bes-alty jyldyń júzi boldy. Eki aıdan astam ýaqytqa sozylǵan bul aksııa jýyrda ortalyq parkte qorytyndylandy. Bıylǵy jylǵy tıimdi sharaǵa segiz myńnan astam semeılik qatysty. Aksııa barysynda jergilikti turǵyndardyń ekologııalyq jaǵynan saýatyn arttyryp, týǵan jerge degen súıispenshiligin qalyptastyrýǵa qolaıly múmkindikter jasaldy. Qaraǵaıly orman máseleleri de nazardan tys qalǵan joq. Aksııaǵa qatysýshylar tabıǵı materıaldardan kórme uıymdastyryp, tabıǵat týraly shyǵarma jazdy. Sonyń bárinde erekshe kózge túskender arnaıy gramotalarmen marapattaldy.
Dáýlet SEISENULY, Semeı.
Nemis kınolary tegin kórsetiledi. Oblys ortalyǵyndaǵy «Mega Aqtóbe» saýda, oıyn-saýyq ortalyǵynyń «Kınopark -7» zalynda nemis kınosynyń aptalyǵy saltanatty jaǵdaıda ashyldy. Bul shara Germanııa Federatıvtik Respýblıkasynyń Astanadaǵy elshiligi men Almatydaǵy Bas konsýldyǵynyń, Qazaqstandaǵy Gete atyndaǵy ınstıtýt pen Shveısarııa elshiliginiń qoldaýymen ótip jatqan «KINOgerMANIIа» nemis kınosynyń festıvali aıasynda uıymdastyrylyp otyr. Aptalyqtyń ashylýyna arnaıy kelgen Germanııa Federatıvtik Respýblıkasynyń Bas konsýly Gerold Amelýng byltyr «Qazaqstandaǵy Germanııa jyly» aıasynda Aqtóbede nemis kórmesiniń sátti ótkenin, bul joly nemis kınosy aptalyǵy ashylǵanyn eki el arasyndaǵy mádenı baılanystardyń nyǵaıa túskeniniń mysaly retinde atap ótti.
Satybaldy SÁÝIRBAI, Aqtóbe oblysy.
Jas ónerpazdar tartýy. Qyzyljar aýdanyndaǵy «Mereı» óner mektebiniń oqýshylary Almaty qalasynda osymen 8-shi ret ótken halyqaralyq «Kúnshýaq» baıqaýyna alǵash ret qatysqanyna qaramastan, úlken oljamen oraldy. 7 synyp oqýshysy Búrkit Janaev halyq ánderi «Dúnıe-aı» men «Iаpýraıdy» tamyljyta shyrqap, án nomınasııasynda birinshi oryndy jeńip aldy. Ol gala-konsertke qatysý qurmetine de ıe boldy. Halyq aspaptary nomınasııasynda baq synaǵan dombyrashylar ansambli ekinshi oryndy ıelendi. Olar Á. Jeldibaevtyń «Erke sylqym» jáne túriktiń «Nár agachı» kúılerin kelistire oryndap berdi. Jeke dombyrashylar arasynan Áıgerim Ahmetjan men Rahıma Qurmanǵojına sýyrylyp shyǵyp, úshinshi orynǵa taban tiredi.
О́mir ESQALI, Soltústik Qazaqstan oblysy.