Komıtet usynystary qaraldy

Keshe Parlament Senaty­nyń Tóraǵasy Qaırat Mámıdiń tóraǵalyq etýimen bolǵan palata bıýrosynyń otyrysynda Májilis maquldaǵan zań jo­balaryn odan ári zerdeleý úshin negizgi komıtetter belgilendi, dep habarlady Senattyń baspasóz qyzmeti. «Qazaqstan Respýblıkasy men Túrik Respýblıkasy arasyndaǵy Strategııalyq áriptestik týraly shartty ratıfıkasııalaý týraly» zań jobasy Halyqaralyq qaty­nastar, qorǵanys jáne qaýip­sizdik komıtetine berildi. Qarjy jáne bıýdjet komıtetinde «Qar­jy naryqtarynda kapıtaldyń erkin qozǵalysyn qamtamasyz etý úshin jaǵdaı jasaý týraly kelisimdi ratıfıkasııalaý týra­ly», «Qazaqstan Respýblıkasy­nyń keıbir zańnamalyq aktilerine syrtqy memlekettik qarjy­lyq baqylaýdy jetildirý máse­leleri boıynsha ózgerister men tolyqtyrýlar engizý týraly» jáne «Qazaqstan Respýblıkasy­nyń keıbir zańnamalyq aktilerine salyq salý máseleleri boıyn­sha ózgerister men tolyqtyrýlar engizý týraly» zań jobalary boı­ynsha jumystar júrgiziletin boldy. Al «Qazaqstan Respýblıka­syn­daǵy arnaıy ekonomıkalyq aımaqtar týraly», «Qazaqstan Res­pýblıkasynyń keıbir zańna­ma­lyq aktilerine arnaıy ekono­mıkalyq aımaqtar máseleleri boıynsha ózgerister men tolyq­tyrýlar engizý týraly» jáne «Qazaqstan Respýblıkasynyń keı­bir zańnamalyq aktilerine turǵyn úı qatynastary máseleleri boı­ynsha ózgerister men tolyq­ty­rýlar engizý týraly» zań jo­balary Ekonomıkalyq jáne óńirlik saıasat komıtetine berildi. «Neke (erli-zaıyptylyq) jáne otbasy týraly» zań jobasy Áleýmettik saıasat komıtetine, al «Aýyl sharýashylyǵyn memlekettik qoldaýdyń biryńǵaı qaǵı­dalary týraly kelisimdi ratıfıkasııalaý týraly» zań jobasy Agrarlyq máseleler jáne qor­shaǵan ortany qorǵaý komıtetine berildi. Bıýro otyrysynda, sonymen birge, palatanyń 16 maýsymda bo­latyn kezekti jalpy otyry­sy­nyń kún tártibin belgileý týraly komıtetterdiń usynystary da tal­qylandy. Aldaǵy jalpy oty­rysta 2010 jylǵy respýblıka­lyq bıýdjettiń atqarylýy tý­raly Úkimet pen Respýblıkalyq bıýdjettiń atqarylýyn baqylaý jónindegi esep komıtetiniń esebin talqylaý kózdelip otyr.