Meniń Otanym – Qazaqstan. Sondyqtan da men Qazaqstandy sheksiz súıemin jáne de Elbasymyz N.Á.Nazarbaevtyń «Qazaqstan – 2030» baǵdarlamasyna sáıkes, Qazaqstan Respýblıkasynyń básekege qabiletti elý eldiń qataryna kirip, órkendegenin qalaımyn.
Qazaqstan Respýblıkasy – alyp tulǵaly aqyndary bar, qaıtpas qaıratty batyrlary bar táýelsiz, egemen memleket. Qazaqstannyń keń baıtaq jeri, jaıdarly júzdi eli, aǵyndy ózen-sýlary, bıik-bıik munar taýlary álemniń ár túpkirinebelgili ekeni haq. Eń bastysy, qazaq halqynyń kishipeıildiligine, qonaqjaılylyǵyna esh halyq teń kelmeıdi. Qazaqstan Respýblıkasy – kóp ultty memleket bolǵanyna qaramastan, dostyq, túsinistik ornaǵan meken. Elimizdegi qandaı ult ókilderi bolsa da, qıyn-qystaý shaqtarda bir-birine árdaıym kómek kórsetýge daıyn turady.Bizdiń elimizge qyzyǵa qarap, úlgi tutatyn memleketter de az emes. Al, Qazaqstan Respýblıkasy – úlgi tutýǵa laıyq memleket.
Bolashaqqa jol tartqan qazaq halqynyń búginde keleshegi kemel. Elimizdegi júzege asyrylyp jatqan sharalar, ıaǵnı jańa tehnologııalarǵa saı bilim ordalarynyń ashylýy, ǵylymı-tehnıkalyq progress, dárigerlik mekemelerdiń salyna bastaýy – halqymyz úshin úlken qajettilik. Bul joǵaryda otyrǵan el aǵalarynyń qarapaıym halyqqa degen kómegi desek te artyq aıtqandyq emes. Sondaı-aq, Elbasymyzdyń bıylǵy «Bolashaqtyń irgesin birge qalaımyz» atty Joldaýyna sáıkes, Qazaqstan halqynyń áleýmettik-ekonomıklyq jaǵdaıy men búkil turmys-tirshiligi qazirgiden de jaqsarady dep senimmen aıtýymyzǵa bolady.
Bizdiń elimizdiń básekege qabiletti bilimdi de bilikti jastary, óz isine sheber mamandary jeterlik. Búginde Qazaqstan jastary táýelsiz elde ósip, óz taǵdyrlaryn ózderi jasap, ǵylymda, mádenıette, sportta úlken jetistikterge jetýde. «Jastar – úmittiń janǵan shyraǵy» degendeı, elimizdiń bilimdi jastary Qazaqstannyń kók baıraǵyn bıikke kóteredi degen oıdamyn. Men de óz elimdi tanytýǵa, onyń tuǵyryn bıik kóterýge óz úlesimdi qosamyn.
Gúlmıra AǴANAS, L.N.Gýmılev atyndaǵy EUÝ stýdenti.