«Er Tóstik» erkinsı bastady

Almatyda alǵashqy anımasııalyq fılmder festıvali bastaldy Bul kúnde myna dóńgelek álemniń turǵyndary mýlt­fılm­der jasaý isine júrdim-bardym qaramaıdy. Tek kórshi Qytaı eli anımasııalyq týyn­dylar túsirýge jylyna 700 mıllıon dollar bólýge sheshim shyǵarsa, Reseı memleketi kassa­lyq tabystan túsetin paıdanyń 20 paıyzyn mýltıplıkasııadan taýyp otyr. Munan bylaıǵy jerde bizdiń elimiz de móltek fılm­der túsirý isine mán bermek. Bul týraly I qazaqstandyq «Er Tós­tik» anımasııalyq fılmder fes­tıvaliniń ashylý sal­tana­tynda Sh.Aımanov atyn­daǵy «Qa­zaq­fılm» AQ prezıdenti Ermek Aman­shaev málim­dedi. Oqıǵaǵa oraılas ótken baspasóz máslıhatynda Ermek Amanshaev: – Keńes ókimeti tusynda elimizde jylyna 4 mýltfılm tú­sirilip otyrsa, el táýel­sizdigin alǵan 1991 jyldan 2001 jylǵa deıin eshqandaı anımasııalyq fılmder túsirilmegen. «Anı­ma­sııalyq fılmderdi túsirý 2001 jyldan bastap qolǵa aly­na bastady desem bolady. Qazir biz jylyna 4-5 móltek fılm­derdi shyǵarýdamyz. О́tken jy­ly 7-8 qysqa metrajdy mýlt­fılmderdi shyǵaryp, óndiriske «Er Tóstik» pen «Samruq qus» atty eki tolyqmetrajdy mýlt­fılmderdi jiberdik. Balaǵa oı salatyn, tálimdik-tárbıelik mýlt­fılmderdi jasaýda biz sanymen qatar, sapasyna da úlken mán beremiz, dedi. Ulttyq kınostýdııa jetekshi­siniń aıtýynsha, anımasııa sala­synyń joǵary deńgeıde damýy úshin 1-2 jyl emes, talaı jyl­dar kerek. Jáne mýlfılmder jasaý men balasha oılaý, búldir­shinder talǵamynan shyǵý qıyn­nyń qıyny ekenin kınematografııa salasy álımsaqtan biledi. – Búginde bizdi kınoteatr­lar­dyń kóbeıip jatqandyǵy qýan­tady. 2009 jyly elimizde 77 kınoteatr ǵana bolsa, 2010 jyly onyń sany 196-ǵa jetti. Al, bılet satylymy búginde 20 mıl­lıon­ǵa jetip otyr. Kıno týyn­dy­lar men anımasııalyq fılmderdi jasaý úshin bizde barlyq jaǵdaı jasalǵan, mamandar, tehnıkalar bar, qarjy da jetkilikti, degenmen ónimderimiz básekege qabi­let­ti bolýy úshin memlekettiń de qoldaýy qajet,–dedi Ermek Amanshaev. Onyń aıtýynsha, qazirgi ýa­qyt­ta Qazaqstanda 10-ǵa tarta kınostýdııalar jumys jasaıdy. Oǵan qosa Amanshaev aldaǵy kún­deri anımasııa salasynda baǵyn synap kórgisi keletin jas rejısserlerge 5 grant bólinetindigin aıt­ty. Bul qarajat debıýtant­tar­ǵa tyrnaqaldy týyndylaryn ja­saýǵa aıtarlyqtaı septesetin bolady. Tuńǵysh ret ótkizilip otyrǵan festıvalge «Qazaqfılm» kıno­stýdııasynyń ókilderimen qatar, Shymkent, Kókshetaý, Astana, Al­maty jáne taǵy da basqa qala­lar­dan kelgen anımatorlar, rejısserler, sýretshiler, anımasııalyq kıno birlestikteriniń ókilderi, móltek fılmderdi jasaıtyn jekemenshik kınostýdııalardyń basshylary qatysýda. Festıvaldi uıymdastyrýǵa uıytqy bolyp otyrǵan Sháken Aı­manov atyndaǵy «Qazaq­fılm» AQ prezıdenti Ermek Amanshaev jýrnalısterge bergen suhbatynda anımasııalyq týyndylar túsirý qarqyndy damı bastaǵanyn aıta kele: – «Festıvaldi ótkizýdegi ne­gizgi maqsatymyz – Qazaq­stan­daǵy anımasııalyq mýltfılm­der aıasynda qordalanyp qalǵan máselelerdi talqylaý, qaraý, sheshý bolyp tabylady», dedi. Endigi jerde úsh kúnge ula­satyn festıval aıasynda «Sı­nema Taýers» kınoteatry men «Q­a­zaqfılm» kınostýdııasynda qazaqstandyq anımasııalyq fılm­derdiń kórsetilimi, anımasııa sa­la­syndaǵy tanymal mamandar­dyń sheberlik dáristeri, kishkentaı búldirshinder úshin qalalyq qýyrshaq teatrynyń qoıylym­dary, sonymen qatar, «Qazaq anı­masııasynyń damýy men bo­lashaǵy» degen taqyrypta dóń­gelek ústel otyrystary ótpek. Dóńgelek ústelde anımasııalyq fılmderdiń bolashaǵy men bú­gingi jaǵdaıy talqylanatyn bolady. Al «Qazaqfılm» kınostý­dııa­synyń anımasııalyq kıno birlestiginiń jetekshisi Jáken Dánenovtiń aıtýynsha, «Er Tós­tik» móltek fılmi kıno­stýdııa­nyń serpindi jobasy bolyp tabylady. – Bul tuńǵysh ret qolǵa aly­nyp otyrǵan tolyq­metraj­dy mýltfılm. Týyndy 60 mınýttan turady. Onymen 10-15 shaq­ty anımatorlar jumys isteýde. Mýltfılmdi osydan eki jyl buryn qolǵa aldyq, endi alǵash­qy tolyqmetrajdy mýltfılm­di jyldyń aıaǵyna deıin bitirýdi josparlap otyrmyz. Fılm bar­lyq talaptarǵa saı, zamanaýı úlgide, sońǵy tehnologııalarmen jasalýda», – dedi ol. Aınash ESALI, Almaty.