BUU Bas hatshysynyń kandıdatýrasyn qoldaıdy

Qazaqstan Prezıdenti Nursultan Nazarbaev keshe BUU Bas hatshysy Pan Gı Mýnǵa jedelhat joldap, onda As­tana­nyń atalǵan ámbebap uıymnyń odan ári damýyn kórsetetin tujyrymdamaly qadamdary týraly aıta kelip, óziniń is ba­syndaǵy Bas hatshynyń jańa merzimge ókilettiligi kandı­da­týrasyn qoldaıtynyn bildirdi, dep habarlady Qazaqstan Respýblıkasy Prezıdentiniń baspasóz qyzmeti. Prezıdent óziniń jedel­ha­tynda BUU-nyń halyqaralyq beıbitshilik pen qaýipsizdikti ustap turýdaǵy sheshýshi rólin, damýǵa, adam quqyn saqtaýǵa jáne halyqaralyq quqyqqa qur­metine  yqpalyn, osy isterge BUU Bas hatshysynyń qosyp otyrǵan súbeli úlesin   atap ótti. Qazaqstan Prezıdentiniń pikirinshe, BUU búginde jahan­dyq qatynastardy retteýdiń ba­lamasyz quraly bolyp ta­bylady. Bul Qazaqstannyń BUU aıasyndaǵy halyqaralyq kókeıkesti máselelerdi sheshýdegi kúsh-jigerine belsendi qatysýyn aıqyndaıdy. Osy­ǵan baılanysty N.Nazarbaev Pan Gı Mýnnyń BUU-nyń tıimdiligin joǵarylatýdaǵy, qa­zir­gi zamanǵy qaýipter men qaterlerdi retteýdegi kúsh-jigerine tabys tiledi. Memleket basshysy son­daı-aq Qazaqstan men BUU-nyń kópqyrly yntymaq­tas­ty­ǵyna jańa sapalyq serpin qosqan Pan Gı Mýnnyń 2010 jyldyń sáýirindegi Qazaq­stan­ǵa «tarıhı» saparynyń qo­rytyndylaryn joǵary baǵalady. Sizdiń óz kandıda­tý­ra­ńyz­dy BUU Bas hatshysynyń ja­ńa merzimine usyný nıetińizdi úlken qanaǵattanarlyq sezimmen qoldaımyn, dep atap ót­ken N.Nazarbaev óz jedel­ha­ty­nyń qorytyndysynda.