Júgensiz júrgizýshiler

Jaqynda oblys ákimi Qanat Bo­zymbaevtyń qatysýymen Taraz qa­lasyndaǵy qoǵamdyq kólik qyz­metiniń sapasyna baılanysty ke­ńes ótti. Keńeske jolaýshylardy tasy­mal­daýmen aınalysatyn mekeme bas­shylary, kólik ınspeksııasy já­ne jol polısııasy ókilderi qatysty. Keńesten uqqanymyz, oblys ortalyǵyndaǵy qoǵamdyq kólikter­diń jumysy oıdaǵydaı emes. Saralaý nátıjesi boıynsha, jolaýshy­lar­ǵa sapaly, mádenıetti qyzmet usynýǵa tıisti mekemeler óz jumys­taryna saldyr-salaqtyqpen qaraý­da. Dálirek aıtsaq, keıbir baǵyttar jolaýshylar tasqyny men jol shart­tary eskerilmesten bekitile salǵan. Sondaı-aq, bekitilgen baǵyt­tardy qalaýynsha ózgerte salatyn tasymaldaýshylar da kezdesedi. Al avtobýs júrgizýshileri jol júrý erejesin dóreki túrde jáne qasaqana buzýǵa daǵdylanǵan. Son­daı-aq, keıbir júrgizýshiler baǵyt­ta júrip ózara «jarys» uıymdas­tyrady, básekege túsedi, aıaldama­lar­dy «attap» ótedi. Munyń ja­ǵym­syz, qolaısyz jaqtaryn bylaı qoıǵanda, osyndaı beıbastaqtyq saldarynan keıbir jolaýshylar avtobýstardan sekirip túsýge má­j­búr bolyp, jaraqat alýda. Bir sózben aıtqanda, Taraz qa­la­syndaǵy qoǵamdyq kólik qyzme­tin­de soraqylyq kóp. Aıtalyq, jyl basynan beri qoǵamdyq kólik júrgizýshileriniń dórekiligi, táji­rı­besizdigi, saldyr-salaqtyǵy já­ne jolaýshylar ómirine nemquraı­dy qaraýy saldarynan myńnan astam jol júrý erejesin buzý faktileri oryn alǵany da anyqtalǵan. Avtobýs róline mas nemese táji­rı­besi joq júrgizýshilerdi otyrǵyzý úderisi de bel alyp barady. Qanat Bozymbaevtyń aıtýyn­sha, ústimizdegi jyly osy másele boıynsha oblys ákiminiń blogyna 39 hat túsken. Mysaly, Qumshaǵal aýylynyń turǵyndary: «Bizdiń aýylǵa bólingen №49 baǵyttaǵy avtobýstar demalys kúnderi jumysqa shyqpaıdy. Keıde olar baǵyttaryn óz qalaýynsha aýystyra salady. Soǵan shara qoldanýyńyzdy suraı­myz», dep jazǵan. Jolaýshylar tasymaldaý qyz­me­tindegi beıbereketsizdik qashanǵa deıin sozylady? Árıne, eger jaýap­ty mekemeler tarapynan turaqty túrde baqy­laý jasalsa, bul aıtylǵan kem­shi­­lik­ter­diń barlyǵy sheshimin tapqan bolar edi. Osyǵan oraı, oblys ákimi ózi­niń birinshi orynbasary K.Kóki­rek­baevqa saraptama júrgizý úshin ju­mys tobyn qurýdy tapsyrdy. Aldaǵy ýa­qyt­ta jolaýshylardy tasymaldaý bo­ıynsha qajetti is-sharalar qabyl­daý qajettigi atap ótildi. Dıspetcherlik qyz­met mekemesine quqyqtyq már­tebe berý týraly usynys jasaý jaǵy da oılastyryldy. Jolaýshylar ta­sy­ma­lyn uıymdas­tyrý men qajetti sha­ralardy qabyl­daý týraly usy­nys pen saraptama jasaý qurylys, jo­laý­shylar kóligi jáne avtomobıl jol­dary basqarma­syna tapsyryl­dy.Taraz qalasynyń ákimi Bekbolat Oryn­bekov pen oblys­tyq jol polı­sııasy departamentiniń bastyǵy Aıdar Sovet te tapsyr­ma­syz qalǵan joq. Búginde Taraz qalasy turǵyn­da­ryn qoǵamdyq kólikpen qamta­masyz etý maqsatynda 54 baǵytta 13 tasymaldaýshy mekeme jumys isteıdi. Jalpy baǵyttardyń uzyn­dyǵy 887,1 shaqyrymdy quraıdy. Bul baǵyttarda ár túrli markaly 653 avtobýs jáne shaǵyn avtobýstar kúndelikti qyzmet kórsetýde. Kósemáli SÁTTIBAIULY, Jambyl oblysy.