Senat saılaýynyń kúntizbelik jospary bekitildi

Ortalyq saılaý komıssııasy bıylǵy 19 tamyzǵa ta­ǵaı­yndalǵan Qazaqstan Respýblıkasy Parlamenti Se­na­ty depý­tattarynyń saılaýyn ázirleý jáne ótkizý boı­yn­sha negizgi is-sharalardyń kúntizbelik josparyn bekitti. Keshe OSK músheleri osy má­selege baılanysty málimetteri­men bólisti. OSK tóraǵasy Qý­an­dyq Turǵanqulov Ata Zańǵa sáı­kes Senat Saılaý týraly Kons­tı­týsııalyq zańda belgilengen tár­tip­pen ár oblystan, respýb­lı­ka­lyq mańyzy bar qaladan jáne eli­miz astanasynan eki adamnan ókildik etetin depýtattardan qu­ra­latynyn, olardy azamattardyń tikeleı daýys berýi arqyly saı­lanǵan máslıhattar depýtattary saılaıtynyn atap ótti. «Senat depýtattarynyń óki­let­tik merzimi – 6 jyl. Olardyń jartysy árbir úsh jyl saıyn qaıta saılanyp otyrady. 2005 jylǵy 19 tamyzda saılanǵan Senat depýtattarynyń konstıtý­sııa­lyq ókilettik merzimi osy jyl­dyń 30 qarashasy kúni aıaqtalady, – dedi ol. – Sondyqtan bıylǵy jyldyń 19 tamyzy kúni elimizdiń 16 óńirinde Parlament Senatyna bir depýtattan saılaý ótkiziledi. Osy saılaýda 15 senatordy Pre­zıdenttiń ózi taǵaıyndasa, 32 depýtat janama saılaý quqy negizinde jasyryn daýys berý ar­qy­ly saılanady». Osy jerde OSK hatshysy Ba­qyt Meldeshev Senat depýtatty­ǵynan úmitkerlerdi máslıhattar usynatynyn, sonymen birge, más­lıhattar ózderi sheshken ortaq bir kandıdatty usyna alatynyn aıt­ty. Odan ári ol saılaý zańna­ma­syna sáıkes Senat depýtattaryn saılaý balama negizde bolatynyn, ıaǵnı daýys berý bıýlletenine keminde eki kandıdat engizilýi tıis ekenin eskertti. «Senat depýtat­ty­ǵyna kandıdat bolyp tirkelý úshin úmitker oblys máslı­hat­ta­rynyń, respýblıkalyq mańyzy bar qala nemese Astana qala­sy­nyń máslıhaty depýtattarynyń jalpy sanynyń keminde 10 pa­ıy­zynyń qoldaýyna ıe bolýǵa tıis. Iаǵnı, kandıdat árbir máslıhat depýtattarynyń 25 paıyzynan kem emes daýysyn alýy kerek», dedi ol. Kezdesýde B.Meldeshev budan basqa taǵy mynadaı málimetter keltirdi. Munda ol jınalǵan qol­dardyń 1 paıyzdan astamy rastal­masa, Senat depýtattyǵyna kan­dı­dattyń tirkelmeıtinin, úmit­ker­ge depýtat bolyp tirkelgenge deıin jáne onyń zań talaptaryna sáı­kes­tigi, ony qoldap jınalǵan daý­ys­tar tekserilgennen keıin ǵana saı­laý jarnasy engiziletinin aıtty. Odan ári OSK músheleri saı­laýǵa qatysty mynadaı málimet­ter­men bólisti. Máselen, saılaý jarnasynyń bıylǵy somasy 239 985 teńge bolady eken. Senat de­pýtattyǵyna kandıdat pen onyń jubaıy nemese zaıyby tirkeýge deıin turǵylyqty jerindegi sa­lyq organdaryna 2011 jylǵy 1 maý­sym­­daǵy jaǵdaı boıynsha ta­bysy men múlki týraly deklarasııa tap­sy­rýǵa mindetti kórinedi. Al saı­laýdy ázirleý jáne ótkizý boıyn­sha josparǵa sáıkes, kandı­dattar­dy usyný 15 maýsymnan 19 shildege deıin júretini, úmitker­lerdi tirkeý 29 shildege deıin, al saı­laý­al­dy úgit jumystary 30 shildeden bas­talyp, 17 tamyz kún­gi saǵat 00.00-de aıaqtalatyny bel­gili boldy. Kezdesýde osydan basqa myna­daı málimetter keltirildi. Bıyl Parlament Senaty depýtattary­nyń kezekti saılaýyn ótkizýge res­pýblıkalyq bıýdjetten 142 mln. teńge bólinip otyr. Bul somaǵa saı­laý zańnamasyna sáıkes, Senat depýtattyǵyna kandıdattar­dyń ár­qaısysyna saılaýaldy úgit ju­mys­­­taryn júrgizýge, kólik shy­ǵyn­daryna, kandıdattardyń saılaý qo­ryn qurýǵa jumsalatyn qar­jy kiredi. Saılaý kezinde Syrtqy ister mınıstrligi OSK-men birlesip, halyqaralyq baıqaý ınstı­tý­tyn ashatyn bolady. OSK saılaý­dyń qo­rytyndysyn 25 tamyzdan keshik­tirmeı anyqtaýǵa tıis. Saı­laý­shy­lardyń 50 paıyz­dan astam daýy­syn alǵan nemese qaıta daýys berý kezinde basqa kandıdatqa qa­ra­ǵanda kóp daýys alǵan úmitker Se­nat depýtaty bolyp saılanady. Ol úshin saı­laý­shylardyń 50 paı­yz­dan asta­my saılaýǵa qatysýy tıis. Dastan KENJALIN.