Elshimen eki jaqty áńgime

Keshe «Nur Otan» halyqtyq-de­mo­kratııalyq partııasynyń Or­ta­lyq appa­ratynda partııa Tór­aǵasynyń birinshi orynbasary Nur­lan Nyǵ­ma­tý­lınniń Latvııa Respýblıkasynyń Qa­zaqstan Res­pýblıkasyndaǵy Tótenshe jáne óki­letti elshisi Iýrıs Maklakovspen kezdesýi bolyp ótti. Kezdesý barysynda Astanada ót­ki­zilip otyrǵan Shanhaı yn­ty­maq­tas­tyq uıymynyń onynshy Sammıtiniń, onda talqylanǵan máselelerdiń jáne qol jetkizilgen kelisimderdiń ma­ńyz­dy­ly­ǵy atap ótildi. Sonymen qatar, ShYU-ǵa múshe elderdiń jan-jaqty ynty­maq­tastyǵyn damytý men ny­ǵaı­týǵa Qa­zaqstannyń já­ne onyń basshysy, «Nur Otan» partııasynyń Tóraǵasy Nursul­tan Nazarbaevtyń qos­qan úle­si­ne de aıryqsha nazar aý­da­ryldy. Nur­­lan Nyǵmatýlın ShYU-nyń me­reı­toılyq Sammıtiniń kún tár­tibinde turǵan taqyryptardyń biri – aı­maq­tyq qaýipsizdik máse­lesin sheshýdegi Mem­leketimiz bas­shysy Nur­sultan Na­­zarbaevtyń erekshe rólin atap ótti. Iýrıs Maklakovs Qazaq­stan­nyń jal­pyálemdik qaýipsizdikti nyǵaıtý sa­­lasyndaǵy saıasatyn joǵary baǵalady. «Nur Otan» partııasy Tór­aǵa­sy­nyń birinshi orynbasary Nur­lan Nyǵ­matýlın partııa qyzmeti jaıly, partııa aldynda onyń Tór­aǵasy, Qa­zaqstan Pre­zıdenti Nursultan Nazar­baevtyń qoı­ǵan mindetteri jaıly baıandap berdi. Kezdesý barysynda sondaı-aq yn­tymaqtastyqtyń bolashaq ba­ǵyt­tary sóz bolyp, ekijaqty qa­rym-qa­ty­nas­tardyń odan ári da­mýy­na senimdilikteri jetkizildi.