Qazaqstan Respýblıkasy Mádenıet mınıstrligi
2011 jylǵy 29 naýryz №51
Qazaqstan Respýblıkasy Ekonomıkalyq damý jáne saýda mınıstrligi
2011 jylǵy 1 sáýir №80
BIRLESKEN BUIRYQ
Jeke kásipkerlik salasyndaǵy tarıhı-mádenı mura obektilerin qorǵaý jáne paıdalanýǵa arnalǵan táýekelder dárejesin baǵalaý krıterıılerin bekitý týraly
«Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasy 2011 jylǵy 6 qańtardaǵy Zańynyń 13-baby 3-tarmaǵyna sáıkes buıyramyz:
1. Qosa berilip otyrǵan jeke kásipkerlik salasyndaǵy tarıhı-mádenı mura obektilerin qorǵaý jáne paıdalanýǵa arnalǵan táýekelder dárejesin baǵalaý krıterııleri bekitilsin.
2. Qazaqstan Respýblıkasy Mádenıet mınıstrliginiń Mádenıet komıteti:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin qamtamasyz etsin;
2) osy buıryq memlekettik tirkeýden ótkennen keıin onyń resmı jarııalanýyn qamtamasyz etsin;
3) osy buıryqtyń Qazaqstan Respýblıkasy Mádenıet mınıstrliginiń resmı ınternet-resýrsynda jarııalanýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Mádenıet vıse-mınıstri A.I.Bóribaevqa júktelsin.
4. Osy buıryq alǵash resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Mádenıet mınıstri M. Qul-Muhammed.
Qazaqstan Respýblıkasynyń Ekonomıkalyq damý jáne saýda mınıstri J. Aıtjanova.
Qazaqstan Respýblıkasy Mádenıet mınıstriniń 2011 jylǵy 29 naýryzdaǵy №51 jáne Qazaqstan Respýblıkasy
Ekonomıkalyq damý jáne saýda mınıstriniń 2011 jylǵy 1 sáýirdegi № 80 birlesken buıryǵymen bekitildi
Jeke kásipkerlik salasyndaǵy tarıhı-mádenı mura obektilerin qorǵaý jáne paıdalanýǵa arnalǵan táýekelder dárejesin baǵalaý krıterııleri
Jeke kásipkerlik salasyndaǵy tarıhı-mádenı mura obektilerin qorǵaý jáne paıdalanýǵa arnalǵan táýekelder dárejesin baǵalaý krıterııleri (budan ári – krıterııler) «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń 2011 jylǵy 6 qańtardaǵy Zańynyń 13-babyn jáne «Tarıhı-mádenı mura obektilerin qorǵaý jáne paıdalaný týraly» Qazaqstan Respýblıkasynyń Zańyn oryndaý maqsatynda halyqaralyq jáne respýblıkalyq mańyzy bar tarıh jáne mádenıet eskertkishterin (budan ári – tarıh jáne mádenıet eskertkishteri) paıdalanýdy jáne kútip ustaý tártibine tekserý júrgizý úshin ázirlendi.
2. Osy krıterıılerde mynandaı uǵymdar qoldanylady:
1) táýekel – saldarynyń aýyrlyq dárejesi eskerile otyryp, tarıh jáne mádenıet eskertkishterine jeke jáne zańdy tulǵalardyń zııan keltirý yqtımaldyǵy;
2) tarıh jáne mádenıet eskertkishteri – tarıh jáne mádenıet eskertkishteriniń memlekettik tizimine engizilgen, halyqtyń ótken tarıhymen, qoǵam men memlekettiń damýymen baılanysty, adam jasaǵan nemese adam men tabıǵattyń birlesken týyndysy bolyp tabylatyn jekelegen kesender, ǵımarattar, qurylystar men ansamblder, tarıhı-mádenı landshafttar jáne basqa da kórikti jerler.
3) Baqylaý sýbektileri – jeke kásipkerlik salasyndaǵy tarıh jáne mádenıet eskertkishterin paıdalanýshy jeke jáne zańdy tulǵalar.
3. Táýekel dárejesine baılanysty baqylaý sýbektileri joǵary, ortasha nemese tómengi táýekel toptaryna jatqyzylady.
4. Bastapqyda barlyq baqylaý sýbektileri tómengi táýekel dárejesindegi topqa jatqyzylady.
5. Budan ári krıterııler boıynsha jınaǵan balldardy esepke ala otyryp, tekserýden ótken baqylaý sýbektileri tekserýler nátıjeleri boıynsha tıisti táýekel toptaryna qaıta bólinedi:
1) táýekel dárejesiniń tómengi tobyna tekserý nátıjesi boıynsha 1-den 4-ke deıin ball jınaǵan baqylaý sýbektileri jatady;
2) táýekel dárejesiniń ortasha tobyna tekserý nátıjesi boıynsha 5-ten 20-ǵa deıin ball jınaǵan baqylaý sýbektileri jatady;
3) táýekel dárejesiniń joǵarǵy tobyna tekserý nátıjesi boıynsha 20 jáne odan da joǵary ball jınaǵan baqylaý sýbektileri jatady.
6. Táýekel deńgeılerin baǵalaý krıterııleri mynalar bolyp tabylady:
tarıh jáne mádenıet eskertkishinde qorǵaý taqtasynyń bolmaýy – 1 ball;
memlekettik organnyń tarıh jáne mádenıet eskertkishterin paıdalanýǵa berý týraly sheshiminiń bolmaýy – 1 ball;
tarıh jáne mádenıet eskertkishterine qorǵaý mindettemesiniń bolmaýy – 1 ball;
tarıh jáne mádenıet eskertkishteriniń pasportynyń bolmaýy – 1 ball;
tarıh jáne mádenıet obektileriniń qorǵaý aımaqtarynyń, qurylys salýdy retteý jáne qorǵalatyn tabıǵı landshaft aımaqtarynyń bolmaýy – 5 ball;
tarıh jáne mádenıet eskertkishiniń aınalasyndaǵy qorǵaý aımaǵy qorǵaý belgilerimen nemese olardyń shekara syzyqtary boıynsha jyrtylǵan jermen nemese qorshaýlarmen, ne butalar otyrǵyzý arqyly belgilerdiń bolmaýy – 5 ball;
tarıh jáne mádenıet eskertkishterde ǵylymı–qalpyna keltirý jumystaryn júrgizýdi ýákiletti memlekettik organmen kelisýiniń bolmaýy – 5 ball;
tarıhı-mádenı mura obektisiniń qorǵaý aımaqtarynda eskertkishtiń saqtalýyna, onyń tarıhı-mádenı qabyldanýyna teris áserin tıgizetin jumystar júrgizilmeýi – 5 ball;
tarıh jáne mádenıet eskertkishiniń qurylys salýdy retteý aýmaǵyndaǵy qurylys sıpatyn retteý sharalarynyń qabyldanbaýy (qurylys salýdyń aýqymdylyǵy, qabaty, tyǵyzdyǵy jáne fýnksıonaldyq qyzmeti) – 20 ball;
tarıh jáne mádenıet eskertkishteriniń saqtalýyna qaýip tóndiretin jobalaý, izdestirý, qurylys, melıorasııa, jol jóndeý, óndiristik, sondaı-aq, basqa da jumys túrlerin júrgizýge jol bermeý sharalarynyń qabyldanbaýy – 20 ball;
tarıh jáne mádenıet eskertkishiniń tarıhı, sáýlettik-kórkemdik kelbetin joıýǵa bolatyn ózgerýden, burmalaýdan, taǵylyq aktilerinen, zaqym kelýden, óńin aınaldyrýdan, orynsyz ózgerister engizýden, tarıhı túpmátinnen úzip tastaýdan, zaqymdaýdan, jalǵan dáripteýden, burmalaýdan, eskerkishtiń ózin nemese onyń bólshekterin Qazaqstan Respýblıkasynan tys jerlerge áketýden qorǵaý qamtamasyz etilmeýi – 20 ball;
Jeke jáne zańdy tulǵalardyń tarıh jáne mádenıet eskertkishinde tıisti lısenzııasyz ǵylymı-qalpyna keltirý jumystaryn júrgizý – 20 ball.
7. Jınalǵan balldardyń neǵurlym kóp somasy bir deńgeıli táýekel dárejesindegi tarıh jáne mádenıet eskertkishterin tekserýlerdi basymdy josparlaýdyń negizi bolyp tabylady.
Buıryq Qazaqstan Respýblıkasynyń Ádilet mınıstrliginde 2011 jylǵy 26 sáýirde Normatıvtik quqyqtyq kesimderdi memlekettik tirkeýdiń tizilimine № 6915 bolyp engizildi.