Jańaózendegilerdiń jalaqysy qansha?

Sońǵy kezderi BAQ-tarda ja­rııalanyp júrgen teris máli­met­ter men keıbir qoǵamdyq qaı­rat­kerler tarapynan kereǵar pikir­lerdiń jıi aıtylýyna baı­la­nys­ty «Qaz­Mu­naı­­Gaz» Barlaý О́n­di­rý» AQ bas­pa­sóz qyzmeti tómen­degini ha­barlaıdy. «О́zenmunaıgaz» О́F óndiris­tik jumyskerlerdiń ortasha aı­lyq ja­laqysy shamamen 300 myń teń­geni quraıdy (osy jerde jáne bu­dan ári somalar barlyq sa­lyq­tar­dy tó­le­gennen keıin kór­se­tilip otyr, ıaǵ­nı taza qoldaryna alatyn somasy). Sońǵy birneshe jyl ishinde Jańaózendegi munaıshylardyń ja­­la­qysy eki eseden asa kó­beıdi. Máselen, 2007 jyldyń qańtar aıynda 4 razrıadtaǵy uń­ǵyma­lar­dy jerasty jóndeý ope­ratory­nyń ortasha aılyq ja­laqysy 147 832 teńgeni qu­rady. Úsh jyldan keıin, 2010 jyly bul soma 296 092 teńgege deıin kóbeıdi. Al bıylǵy jy­ly jańa eńbekaqy tó­leý júıe­siniń engizilgenin, son­daı-aq jyl basyndaǵy ınflıa­sııa­ny eskere otyryp jasal­ǵan ın­deksasııany qosa eseptegende, ja­ńaǵy ju­mys­shynyń jalaqysy 316 719 teńgeni qurady. Sózsiz, jumyskerlerdiń ortasha aılyq jalaqysy biliktilik sa­natyna baılanysty ártúrli bo­lyp keledi. Máselen, úshinshi raz­rıadtaǵy munaı jáne gaz óndirý operatory qolyna 166 135 teńge alady. Tórtinshi razrıadtaǵy operator sál kópteý alady – 199 608 teńge. Al besinshi razrıadtaǵy mu­naı jáne gaz óndirý opera­to­ry­nyń qolyna alatyny – 247 427 teńge. Arnaýly tehnıka mashınıs­teriniń de óziniń ara-jigi bar. «О́zen­munaıgazdyń» besinshi raz­­rıad­taǵy tirkemesi joq munaı ká­sipshiligi avtosısterna mashı­nısi­niń ortasha aılyq jala­qy­sy 268 783 teńgeni quraıdy. Al tirkemesi bar munaı avtosısterna júrgi­zetin osy razrıadtaǵy mashınıst 30 myń teńgege kóp alady. Júk ilýshiniń (stropalshık, júkti ilýshi, bekitýshi) eńbegi de razrıadqa baılanysty tólenedi. Tórtinshi razrıadtaǵy uńǵyma­lar­dy jerasty jóndeý stropalshıgi 183 270 teńge, al besinshi raz­rıad­ta­ǵylar 226 673 teńge tabys tabady. Bilimi joǵary jáne táji­rı­besi bar ınjenerlik-tehnıkalyq qyz­met­ker­ler jumysshy maman­darǵa qaraǵanda, joǵary jala­qy alady. Aıtpaqshy, olardyń basym bóligi eńbek jolyn qara­paıym jumys­shydan bastap, birtindep, óziniń kásibı sheberligin shyńdap, qo­sym­­sha joǵary bilim alý arqyly qyz­met saty­syna kóteriledi. Ýa­qyt óte kele olar jaýapkershiligi joǵary, teh­nıkalyq bilimdi qa­jet etetin qyz­metke aýysyp, joǵary jalaqyǵa qol jetkizedi. Máselen, onynshy razrıadtaǵy avtomatıka jáne ba­qylaý-ólsheý quraldary ınjene­riniń jala­qy­sy 260 168 teńge qu­raıdy. Al munaı jáne gaz óndirý sehy bas­tyǵynyń jalaqy­sy (14 razrıad) – 407 768 teńge. Budan bólek, kompanııanyń 2011 jyldyń aqpanynda jumys berýshi men kásipodaq ókilderi qol qoıǵan ujymdyq shart boı­ynsha áleýmet­tik mindettemeleri bar. Osy shart­tyń aıasynda kompanııa óziniń bir qyzmetkerine jy­lyna bir mıl­lıon­ǵa jýyq qa­ra­jat jum­saıdy. Bul qarjy saý­yqtyrý, tamaq­tan­dyrý, balalar­dyń dema­lysy, eń­bek demaly­synyń tólem­derine, eń­bekke ja­ramsyzdyǵyna tólem­der jasaýǵa jáne t.b. jumsalady. Qorytyndysynda QR Statıstıka agenttigi taratqan eldegi ortasha aılyq jalaqynyń mólsheri týraly málimetterge nazar aý­dart­­­qy­myz keledi. Elimiz boı­yn­sha ortasha aılyq jalaqy sáýir aıynda 83 276 teńgeni qurady. Bul rette taý-ken óndirý óner­ká­si­bindegi ortasha aılyq jalaqy 155 myń teńgege teń. Mańǵystaý oblysyndaǵy ortasha aılyq ja­la­qy 138,3 myń teńgeni quraıdy. QMG BО́ baspasóz qyzmeti.