Azamattyq alǵandar qatary arta túsýde

Keshe Aqordada Memlekettik hatshy Qanat Saýdabaevtyń tóraǵalyq etýimen Prezıdenttiń janyndaǵy Azamattyq berý máseleleri jónindegi komıssııanyń otyrysy bolyp ótti. Otyrysta Qazaqstan azamat­ty­ǵyn alǵysy kelgen adam­dar­dyń ótinishteri qaraldy. Memleket basshysy Nursultan Nazarbaev qol qoıǵannan keıin Komıssııada ótinishteri qaralǵan 23 myń­nan artyq adam Qazaqstan aza­mat­tyǵyn alatyn bolady. Túsken ótinishterdiń arasynda TMD elderinen ǵana emes, alys  shet elderden kelgen adamdardyń da esimderi kóp. Osy máseleler tý­ra­ly Memlekettik hatshy óz oıyn bylaı qorytty: – Bizdiń elimizdiń azamat­ty­ǵyn alýǵa álemniń kóptegen elderinen ótinishter túsýiniń ózi – Elbasy Nursultan Nazarbaevtyń júrgizip otyrǵan durys saıa­sa­ty­nyń arqasynda Táýelsizdigin al­ǵan 20 jylda Qazaqstannyń áleý­mettik-ekonomıkalyq jáne qo­ǵam­dyq-saıası jetistikteriniń moı­yndalǵanyn kórsetedi. Biz Asta­na kúni qarsańynda azamattyq alǵan jańa otandastarymyzdy qýa­nysh­pen quttyqtap, olarǵa den­saýlyq, tabys jáne jańa Ota­nynyń kemel keleshegi úshin jemisti eńbek etýlerin tileımiz. Olardyń ata-babalary mekenine tezirek beıimdelýin qamtamasyz etý máselelerin jyldam jáne uıymdastyrýshylyqpen sheshý endi jaýapty memlekettik organ­dardyń mindeti. Aıta ketetin derek, Qazaqstan táýelsizdigin alǵannan beri jal­py sany 700 myńnan artyq shetel azamattary óz yntasymen Qa­zaqstan azamattyǵyn alǵan. So­nyń basym bóligi sońǵy jyl­dar­dyń úlesine tıedi eken. Jaqsybaı SAMRAT.