BIRLESKEN BUIRYQ №06-3/268, №78-OD

Qazaqstan Respýblıkasy Aýyl sharýashylyǵy mınıstrligi Astana qalasy  «19» mamyr 2011 jyl  №06-3/268 Qazaqstan Respýblıkasy Jer resýrstaryn basqarý agenttigi Astana qalasy    «31» naýryz 2011 jyl №78-OD BIRLESKEN BUIRYQ «Aýyl sharýashylyǵy óndirisin júrgizý úshin jer ýchaskelerin jalǵa bergen kezde konkýrstardy uıymdastyrý jáne ótkizýdiń erejesin bekitý týraly» Qazaqstan Respýblıkasynyń Aýyl sharýashylyǵy Mınıstriniń  2005 jylǵy 2 naýryzdaǵy №165, Qazaqstan Respýblıkasy Jer resýrstaryn basqarý agenttigi Tóraǵasynyń 2005 jylǵy 25 aqpandaǵy № 24-ó birlesken buıryǵyna ózgerister engizý týraly Aýyl sharýashylyǵy óndirisin júrgizý úshin jer ýchaskelerin jalǵa berý kezinde konkýrstardy uıymdastyrý jáne ótki­zýdiń máselelerin jetildirý maqsatynda jáne Qazaqstan Respýblıkasy Úkimetiniń 2003 jylǵy 13 qarashadaǵy № 1140 qaý­lysymen bekitilgen Jer ýchaskesin nemese jer ýchaskesin jaldaý quqyǵyn satý jó­nin­degi saýda-sattyqty (konkýrstardy, aýk­sıondardy) uıymdastyrý jáne ótkizý erejesiniń 64-tarmaǵyna sáıkes, buıy­ramyz: 1. «Aýyl sharýashylyǵy óndirisin júr­gizý úshin jer ýchaskelerin jalǵa bergen kezde konkýrstardy uıymdastyrý jáne ótkizýdiń erejesin bekitý týraly» Qa­zaqstan Respýblıkasynyń Aýyl sharýa­shy­lyǵy mınıstriniń 2005 jylǵy 2 naý­ryzdaǵy №165, Qazaqstan Respýblıkasy Jer resýrstaryn basqarý agenttigi Tór­aǵasynyń 2005 jylǵy 25 aqpandaǵy №24-ó birlesken buıryǵyna (budan ári – Birlesken buıryq), (normatıvtik quqyqtyq aktilerdiń memlekettik tirkeý reestrinde № 3518 tirkelgen, «Zań gazeti» gazetiniń 2005 jylǵy 22 qarashadaǵy № 152 (766) jarııalanǵan) kelesi ózgerister engizilsin: birlesken buıryqpen bekitilgen Aýyl sharýashylyǵy óndirisin júrgizý úshin jer ýchaskelerin jalǵa bergen kezde kon­kýrs­tardy uıymdastyrý jáne ótkizýdiń erejesinde: 4-tarmaq kelesi redaksııada baıandalsyn: «4. Konkýrsty uıymdastyrýshy Qazaq­stan Respýblıkasynyń jáne tıisti ákim­shi­lik-aýmaqtyq birliktiń aýmaǵynda tara­ty­la­tyn merzimdi baspasóz basylymynda jarııa­lanatyn aqparat habarlama daı­yn­daıdy.»; 10-tarmaqta: 4)-tarmaqsha kelesi redaksııada baıan­dal­syn: «4) bilimi týraly dıplomnyń kóshirmesi (bolǵan jaǵdaıda) nemese aýyl sharýa­shy­ly­ǵy salasyndaǵy eńbek qyzmeti jáne ju­mys stajy týraly málimetteri bar ómirbaıany;». 2. Qazaqstan Respýblıkasy Jer re­sýrstaryn basqarý agenttiginiń Jerdi paıdalaný men qorǵaýdy memlekettik baqylaý, memlekettik jer kadastry jáne jerlerdiń monıtorıngi departamenti osy Birlesken buıryqty zańnamada kórse­tilgen tártipte Qazaqstan Respýblı­ka­sy­nyń Ádilet mınıstrligine memlekettik tirkeýge jolda­syn. 3. Osy Birlesken buıryqtyń oryn­da­lýyn baqylaý Qazaqstan Respýblı­ka­sy­nyń Aýyl sharýashylyǵy Vıse-mınıstri S.S.Hasenovqa jáne Qazaqstan Respýblı­kasy Jer resýrstaryn basqarý Agenttigi Tóraǵasynyń Orynbasary K.О́. Raıym­be­kovke júktelsin. 4. Osy Birlesken buıryq alǵash ret resmı jarııalanǵannan keıin on kúntizbelik kún ótken soń qoldanysqa engiziledi. Qazaqstan Respýblıkasy Aýyl sharýashylyǵy mınıstri ___________________A. MAMYTBEKOV Qazaqstan Respýblıkasy Jer resýrstaryn basqarý agenttiginiń Tóraǵasy _____________________О́. О́ZIBEKOV Buıryq Qazaqstan Respýblıkasynyń Ádilet mınıstrliginde 2011 jylǵy 10 maýsymda Normatıvtik quqyqtyq kesimderdi memlekettik tirkeýdiń tizilimine №7002 bolyp engizildi.