Negizgi komıtetter belgilendi

Keshe Parlament Senatynyń Tóraǵasy Qaırat Mámıdiń tóraǵalyq etýimen bolǵan palata bıýrosynyń otyrysynda Májilis maquldaǵan zań jobalaryn odan ári qarastyrý úshin negizgi komıtetter belgilendi, dep habarlady osy palatanyń baspasóz qyzmeti. Bıýro otyrysynda Zańnama  jáne quqyqtyq  máseleler  komıtetine «Qazaqstan Respýb­lı­ka­synyń keıbir zańnamalyq aktilerine uıymdasqan qylmysqa qarsy is-qımyl máseleleri boı­ynsha  ózgerister men tolyq­ty­rýlar engizý týraly» jáne «Qazaqstan Respýblıkasy men Koreıa Respýblıkasy arasyndaǵy Qylmystyq ister boıynsha óz­ara quqyqtyq kómek týraly  shart­ty ratıfıkasııalaý týra­ly» zań jobalary zerdeleýge berildi. Al «Bilim týraly» zańǵa  ózgerister men tolyqtyrýlar engizý týraly» zań jobasy boı­ynsha Áleýmettik-mádenı damý komıteti bas komıtet bolyp belgilendi. Ekonomıkalyq jáne óńirlik saıasat komıteti «Baǵa belgileý men tarıftik saıasat negizderin qosa alǵanda, elektr energetı­ka­sy salasyndaǵy tabıǵı mono­polııalardyń qyzmetterine qol jetkizýdi qamtamasyz etý týra­ly kelisimdi ratıfıkasııalaý tý­raly» jáne «Kelisilgen makro­eko­nomıkalyq saıasat týraly ke­lisimdi ratıfıkasııalaý týraly» zań jobalaryn qaraıtyn boldy. Qarjy jáne bıýdjet komıtetine «Biryńǵaı ekonomıkalyq keńistikke qatysýshy memleketterdegi qyzmetter kórsetý saý­dasy jáne ınvestısııalar týra­ly kelisimdi ratıfıkasııalaý týraly», «О́tpeli kezeń ishinde arnaıy qorǵaý, dempıngke qarsy jáne ótemaqy sharalaryn qol­daný tártibi týraly  kelisimdi ratıfıkasııalaý týraly» jáne «О́nerkásiptik sýbsıdııalardy berýdiń biryńǵaı qaǵıdalary týraly kelisimdi ratıfıkasııalaý týraly» zań jobalary berildi. Bıýro otyrysynda palatanyń aldaǵy, 23 maýsymda bolatyn jalpy otyrysynyń kún tártibi týraly komıtetterdiń usynys­tary qaraldy. Jalpy otyrysta halyqara­lyq kelisimder men sharttar tý­raly zań jobalarynyń toptama­sy qaralatyn boldy. Al «Qazaqstan Respýblıka­sy­nyń keıbir zańnamalyq akti­lerine quqyq qorǵaý qyzmetin jetildirý jáne qylmystyq  zań­namany odan ári izgilendirý máseleleri boıynsha ózgerister men tolyqtyrýlar engizý týra­ly» zań jobasy birinshi oqy­lymda qaraýǵa usynylady.