Qolónershiler kórmesi

Ulttyq ónerimizdiń altyn ar­qaýynyń biri sanalatyn qol­óner­shiler kórmesi ótken aptada elorda kúnine oraı, Prezıdenttik mádenıet ortalyǵynda «Sheberler-2011» degen atpen ótti. Buǵan «Qazaq­stan­daǵy qolóner men dás­túrli kásip­shi­likti qaıta jań­ǵyrtý» baǵdar­la­ma­sy­nyń aıasyn­da, «Shevron» kom­pa­nııasy jáne Orta Azııanyń Eýrazııa qorynyń bastamasymen  «Our Heritage» qoǵamdyq qory uıytqy boldy. Sonymen qatar, bul ıgi sha­raǵa Otanymyzdyń Mádenıet  mınıstrligi men IýNESKO da qoldaý kórsetkenin aıta ketsek deımiz. Kórmege elimizdiń aımaqta­ryn­da turatyn sheberlerdiń 92 týyndysy túsip, irikteý bary­syn­da Astanadaǵy saıysqa 20 qaty­sý­shynyń shyǵarmalary «Asyl us­taz», «Daryndy bastaý», «Ozat isker», «Joǵary sapa», «Jańa­shyl­dyq», «Tóltýma», «Jo­ǵary she­be­r­lik» dep atalatyn jeti nomınasııa boıynsha jiberilgen eken. Qolóner kásibin damytýdy maq­sat etken óner saıysy eń aldymen el ishindegi daryndylardy taýyp, olardyń sheber qolynan shyq­qan dúnıelerdi kórmede kórse­tip, odan keıin ıgilikke jara­tý­dy nıet etken eken. Bul is osy­dan eki jyl buryn bastalǵanyn na­zarǵa sala ketsek deımiz. «Biz­diń kompanııa 18 jyl boıy mu­naı men gazdy óndirip qana qoı­maı, adamı jáne ınstıtý­sıo­naldy áleýetti damytýǵa baǵyt­tal­ǵan kóptegen áleýmettik jo­ba­lardy  júzege asyrý arqyly el ekono­mı­kasyna, rýhanı ómirge óz úle­sin qosyp keledi», – deıdi Qa­zaqstandaǵy «Shevron» kompa­nııa­synyń Úki­metpen jáne jurt­shylyqpen baı­lanys jó­nindegi dırektory Erkin Zikibaev. Kórmege qoıylǵan kon­kýrs­tyq jumystarǵa óner­taný­shylar, sýretshiler, Mádenıet mınıstr­liginiń, IýNESKO jáne «Shevron» kompanııasynyń   ókil­deri­nen, sol  sekildi  Malaızııadan qolóner buıymdarynyń sa­pasy boıynsha halyqaralyq sa­rapshy Edrık Ong bastaǵan bedeldi saraptaý komıs­sııasy qa­zy­lyq ja­sa­dy. Olardyń sheshimi boıynsha joǵary baǵa­lanǵan rýhanı qun­dylyqtar je­ńimpaz dep tanylyp, avtor­laryna baǵaly syılyqtar tapsyryldy. Súleımen MÁMET. Sýretterdi túsirgen Orynbaı BALMURAT.