Tasqynnan soń...

Bıylǵy kóktemdegi joıqyn tasqyn sýdan keıingi Aqjaıyq­tyń búgingi tynys-tirshiligi qan­daı eken degen saýal oqyrman­dardy selqos qaldyra almasa kerek. Iá, búginde munda tabıǵat apaty keltirgen orasan mol shy­ǵynnyń ornyn toltyrý jumys­tary júrgizilýde. Sonyń aıqyn bir dáleli Oral qalasynda jáne Tasqala, Zelenov aýdanda­ryn­da ke­ńinen qarqyn alǵan qurylys der edik. Buǵan tek jergilikti merdigerler tartylǵan. Oblys or­talyǵynda búgingi kúni at­qarylǵan qurylys jumysta­ry­nyń kólemi 20-30 paıyz tó­ńire­ginde. Maqsat – aldaǵy jylytý maýsymyna deıin jańadan turǵy­zylǵan úılerdi paı­dalanýǵa berý. Buǵan deıin habarlanǵanyndaı, Oral óńirinde boı kóteretin qu­rylys jumystary úshin Úkimet tarapynan jetkilikti jerge qara­jat bólingen. Búgingi mindet ony tıimdi, uqypty ári únemdi túrde paıdalaný bolmaq. Osy oraıda ob­lysta oryn alǵan bıylǵy kúr­deli jaǵdaı munda qurylys ındýs­trııasynyń da tezirek da­mýyna al­ǵyshart qalady dep aı­týǵa bolady. Osylaısha qazirgi qurylysqa jergilikti temir-beton buıymdary, plıtalar men bloktar paıdala­nylý­da. Qurylysty júrgi­zip jat­qan keıbir kompanııa­lardyń bul materıaldardy ózderi óndi­retini de aıtýǵa turarlyq másele. Sondaı-aq úı qabyrǵa­la­ryn qalaýǵa qajetti kirpish te oblys ortaly­ǵynda shy­ǵarylady. Sonymen birge mundaǵy polı­etılen qubyrlary zaýyty ujy­­mynyń da merdigerlerge tıgizip otyrǵan paıdasy mol. Alaıda atalǵan máselede keıbir kidirister de joq emes. Aı­talyq, qurylysqa asa qajetti materıal­dyń biri – sement desek, ol Oralda óndirilmeıdi. Onyń Qaraǵandy já­ne Shymkent sement zaýyttary­nan tasymaldap jetkizý uzaq ýaqyt pen qosymsha shyǵyndy qajet etýde. Al oblys aýmaǵymen irgeles qonys­tanǵan Reseıdegi «Volskıı» sement za­ýyty óz ónimderiniń baǵa­syn otyz paıyzǵa deıin ósirip jibergen. Taǵy bir jaǵdaıda kórshiles oblystardan qıyrshyq tas tıep jetkizetin vagondar jetispeıdi. Osy­laısha atalǵan máselelerge Úki­mettiń nazar aýdarý qajet­tiligi ańǵarylady. Oblysta tasqyn sý zardaby­nan búlingen úılerge kúrdeli jón­deýler júrgizýge qajetti qa­rajat kózderi de tabyldy. Bul jóninde Oral qalalyq jáne Batys Qazaq­stan oblystyq más­lıhattarynyń sessııalary tıisti sheshimder qabyl­dady. Aqjaıyq­ta turǵyn úılerge qosa áleýmet­tik-turmystyq nysan­dar qury­lys­tary da qosa qanat jaıýda. 1200 oqýshyǵa arnalǵan jańa mektep qurylysy kestege saı jú­rýde. Árqaısysy 290 oryndyq qos balabaqshanyń qurylysy jó­ninde de osylaı deýge bolady. Zelenov aýdanynyń orta­lyǵy Peremetnyı kentinde tur­ǵy­zylyp jatqan úı­ler­diń jany­nan sport alańdary men saýda úılerin qosa salý jo­balanǵan. Eń bastysy munda úlken saıabaq qurylysynyń bir mezgilde qolǵa alynǵany bola­shaq turǵyn­dardy úlken qýanyshqa keneltýde. Saıa­baqqa jergilikti jaǵ­daı men klımatqa beıimdelgen kóshetter men aǵashtar otyrǵyzyl­maq. Sha­ǵyn da yqsham balalar qalashyǵy da saıabaqtyń kórneki jerinen oryn teppek. Sondaı-aq osy aradan poshta bólimshesi men dári­hana ǵımaraty da boı kótermek. Qysqasy, búginde batys­qazaq­stan­dyqtardyń júzderi jarqyn, eńseleri bıik. Olar bıylǵy kók­temde bastaryna úlken qıyndyq túsken kezde baǵa jetpes qoldaý kórsetken memleket basshysy Nur­sultan Nazarbaev pen respýblıka Úkimetine shynaıy rıza­shylyq sezimderin bildirip otyr. Búginde oblystyń sý tasqynyna ushyraǵan aımaqtarynda qonys tepken alyp qurylys alańdary men kókke moı­nyn sozǵan sansyz krandar – sol qoldaýdyń kórinisi. Temir QUSAIYN. Batys Qazaqstan oblysy.