Bereri mol basqosý

Astanada II Qazaqstan-Ger­man­dyq ınnovasııalyq otyrysy bol­dy. Basqosýdy Indýstrııa jáne jańa tehnologııalar mınıstrligi Germanııa Federatıvti Respýblı­ka­synyń ekonomıka jáne tehnologııalar mınıstrligimen birlese uıymdastyrǵan. Atalǵan forým Qazaqstan Res­pýblıkasy men Germanııa Federatıvti Respýblıkasynyń úkimet­ara­lyq jumys tobynyń besinshi otyrysy aıasynda elimizdiń In­dýs­trııa jáne jańa tehnologııalar vıse-mınıstri Albert Raý men Germanııa ekonomıka jáne tehnologııalar mınıstriniń orynba­sa­ry Karl-Ernst Braýner myrza­nyń tóraǵalyǵymen ótti. Germanııa tarapynan qaty­sý­shy­lar arasynda memlekettik organdar men iri óndiristik kásip­or­yndar ókilderi, onyń ishinde Ger­manııanyń saýda-óndiristik pala­tasy, «Nemis banki» AQ, Tıssen Krýpp, «Oıler Hermes nesıelerdi saqtandyrý» AQ, DEG – ınvestısııa men damytý nemis korpo­ra­sııasy, «Landesbank Berlın AG» AQ, «Lemken GmbH& Ko KG», GFA Consulting Group GmbH, AO Deutsche Lufthansa, Nemis ener­ge­tıkalyq agenttigi, Germanııa aýyl-sharýashylyq tehnıkany óndirý qaý­ymdastyǵynyń ókilderi bol­dy. Sonymen qatar, Qazaqstan ta­ra­pynan memlekettik jáne jeke qu­rylym ókilderi, halyqaralyq sa­rap­shylar qatysyp, pikir almasty. «Ulttyq ınnovasııalyq qor» AQ Basqarma tóraǵasy Aıdyn Qulseıitov óz sózinde, «Qazirgi ýaqytta ınnovasııa salasynda eki jaqty yntymaqtastyq joldary jan-jaqty damýda. Ásirese, Fraýnhofer qoǵamdastyǵy, Inno AG, Wellington Partners III Technology Fund L.P., Germandyq halyq­ara­lyq yntymaqtastyq qaýymdas­ty­ǵy sııaqty uıymdarymen birlesken jobalar júzege asýda. Fraýnhofermen birlese, Qazaqstanda Innovasııalyq kongress, Birikken Ulttar Uıymy qaramaǵyndaǵy Eý­ropalyq ekonomıkalyq komıs­sııa­synyń qoldaýymen birqatar is-sharalar, steıkholderler kon­fe­rensııasy ótti. Sonymen qatar, Ulttyq ınnovasııalyq qor Ger­manııanyń venchýrlik kapıtaldy damytý tájirıbesin tereńinen zertteýde. Máselen, biz Wellington Partners III Technology Fund L.P venchýrlik qorynyń qatysýshysy ári seriktesi bolyp tabylamyz», dep atap ótti. Forým barysynda otandyq ın­novasııalyq saıasattyń máse­le­le­ri men keleshegi, onyń halyq­ara­lyq salalary talqylanyp, sonyń ishinde Qazaqstan men Germanııa ekonomıkalyq qarym-qa­ty­nasynyń keleshegi qarastyryldy. Búgingi tańda ınnovasııa – eko­nomıkalyq damýdyń naǵyz qoz­ǵa­lys kúshi. Sondyqtan ekonomı­ka­ny damytý barysynda Qazaqstan ınnovasııalyq saıasatty strate­gııa­lyq maqsat tutady ári Germanııamen yntymaqtasa jumys júr­gizýdi strategııalyq jospar retinde kózdeıdi. Atalǵan shara eki el arasyndaǵy ınnovasııalyq saıa­sat­ty júzege asyrýǵa jaýapty uıymdardyń tájirıbe almasyp, naqty qadamdar jasaýynyń bir­den-bir joly bolyp sanalady. Ábdirahman QYDYRBEK.