Bilim jáne ǵylym mınıstri Baqytjan Jumaǵulov jumys saparymen О́skemende boldy. Ol oblys ákimi B.Saparbaevpen birge balalarǵa arnalǵan A.Matrosov atyndaǵy saýyqtyrý lageriniń ashylýyna qatysyp, birqatar bilim berý nysandarynyń jumysymen tanysty.
Budan eki jyl buryn óńir basshysy B.Saparbaev «Qazatomprom» ulttyq kompanııasy basqarmasynyń tóraǵasy V.Shkolnıkpen birqatar áleýmettik ǵımarattardy salý jáne balalardy saýyqtyrý lagerin qaıta jaraqtaý jónindegi memorandýmǵa qol qoıǵan bolatyn. Bul Elbasy N.Nazarbaevtyń tapsyrmasy. Aqyry ábden tozyǵy jetken eski lagerdiń ornyna jańa ǵımarattar boı kóterdi. Ulttyq kompanııa lager qurylysyna 1 mıllıard 45 mıllıon teńge jumsady. Eki jyl ishinde atalmysh kásiporyn oblysta bir jarym mıllıard teńgeniń jobasyn júzege asyrdy.
Mınıstr jaz kezinde 800-den asa balany qabyldaıtyn saýyqtyrý kesheniniń qurylysyna rızashylyǵyn bildirdi. Bul jerde 19 kottedjdiń 13-i qaıtadan salynypty. Jańadan salynǵan keń de jaryq ashana, sport alańdary men jazǵy teatr, basseın kózdiń jaýyn alady.
B.Jumaǵulov kásibı maman ázirleıtin aımaqaralyq máshıne jasaý salasy boıynsha boı kóteretin qurylys alańyn aralap kórdi. 700 oryndyq jańa nysan 2013 jyly iske qosylmaq. №45-shi orta mektepte bolǵan kezde mınıstr qaladaǵy mektepterdiń sapasyna oń baǵa berip, jańadan bilim ordasyn salý jóninde oılaryn ortaǵa saldy. Mınıstrdiń aıtýynsha, aldaǵy bes jylda elimizde 522 mektep salynatyn kórinedi.
О́ńirdegi bilim ordalarynyń basshylarymen, ustazdar qaýymymen kezdesýde oblys ákimi B.Saparbaev jyl sońyna deıin balabaqshamen qamtamasyz etýdi 85 paıyzǵa jetkizý qajettigine toqtaldy. Al 2015 jyly balalardyń barlyǵyn balabaqshalar qabyldaı alady, dedi óńir basshysy. Qazir oblysta 751 mektep bolsa, sonyń 286-y zaman talabynan qalyp qoıǵan. Demek, aldaǵy ýaqytta olardy kúrdeli jóndeýden ótkizip, jańa bilim oshaqtaryn salatyn ýaqyt jetti.
Ońdasyn ELÝBAI,
Shyǵys Qazaqstan oblysy.