2011 jylǵy 27 maýsym, Astana, Úkimet Úıi
Baıqaý keńesteri qurylatyn sharýashylyq júrgizý quqyǵyndaǵy memlekettik kásiporyndarǵa qoıylatyn krıterıılerdi bekitý týraly
«Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 148-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan baıqaý keńesteri qurylatyn sharýashylyq júrgizý quqyǵyndaǵy memlekettik kásiporyndarǵa qoıylatyn krıterııler bekitilsin.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 27 maýsymdaǵy № 712 qaýlysymen bekitilgen
Baıqaý keńesteri qurylatyn sharýashylyq júrgizý quqyǵyndaǵy memlekettik kásiporyndarǵa qoıylatyn krıterııler
1. Osy krıterııler baıqaý keńesteri qurylatyn, qyzmetin densaýlyq saqtaý jáne bilim berý salasynda júzege asyratyn memlekettik kásiporyndardyń sáıkestigin anyqtaý úshin ázirlengen.
2. Tómende atalǵan barlyq krıterıılerge sáıkes kelý baıqaý keńesi bar sharýashylyq júrgizý quqyǵyndaǵy memlekettik kásiporyndy (budan ári – kásiporyn) qurýǵa, sondaı-aq densaýlyq saqtaý salasynda jumys istep turǵan kásiporyndarda baıqaý keńesin engizýge múmkindik beredi:
1) kásiporynnyń jarǵylyq kapıtalynyń mólsheri tıisti qarjy jylyna belgilengen aılyq eseptik kórsetkishtiń keminde 50 000 eselik mólsherin quraıdy;
2) baıqaý keńesi bar kásiporyndy qurý jaǵdaılaryn qospaǵanda, kásiporynnyń shtattyq qyzmetkerleriniń jalpy sany keminde 150 adamdy quraıdy;
3) baıqaý keńesi bar kásiporyndy qurý jaǵdaılaryn qospaǵanda, kásiporynnyń aǵymdaǵy qarjy jylynyń aldyńǵy bir jyldaǵy jyldyq jıyntyq tabysy tıisti qarjy jylyna belgilengen aılyq eseptik kórsetkishtiń keminde 30 000 eselik mólsherin quraıdy;
4) baıqaý keńesi bar kásiporyndy qurý jaǵdaılaryn qospaǵanda, kásiporynnyń negizgi qyzmetinen túsetin tabys jyldyq jıyntyq tabystyń keminde 70%-yn quraıdy.
3. Tómende atalǵan barlyq krıterıılerge sáıkes kelý baıqaý keńesi bar kásiporyndy qurýǵa, sondaı-aq bilim berý salasynda jumys istep turǵan kásiporyndarda baıqaý keńesin engizýge múmkindik beredi:
1) kásiporynnyń jarǵylyq kapıtalynyń mólsheri tıisti qarjy jylyna belgilengen aılyq eseptik kórsetkishtiń keminde 100 000 eselik mólsherin quraıdy;
2) baıqaý keńesi bar kásiporyndy qurý jaǵdaılaryn qospaǵanda, kásiporynnyń shtattyq qyzmetkerleriniń jalpy sany keminde 150 adamdy quraıdy;
3) baıqaý keńesi bar kásiporyndy qurý jaǵdaılaryn qospaǵanda, kásiporynnyń aǵymdaǵy qarjy jylynyń aldyńǵy bir jyldaǵy jyldyq jıyntyq tabysy tıisti qarjy jylyna belgilengen aılyq eseptik kórsetkishtiń keminde 50 000 eselik mólsherin quraıdy;
4) baıqaý keńesi bar kásiporyndy qurý jaǵdaılaryn qospaǵanda, kásiporynnyń negizgi qyzmetinen túsetin tabys jyldyq jıyntyq tabystyń keminde 70%-yn quraıdy;
5) baıqaý keńesi bar kásiporyn qurý jaǵdaılaryn qospaǵanda, kásiporynnyń oqytýdyń kúndizgi nysanynda bilim alýshylardyń jalpy sany keminde 2500 adamdy quraıdy.