Almatydaǵy Týrksib aýdandyq sotynyń sheshimi boıynsha Air Astana áýekompanııasy Qyzylorda – Almaty reısine jiberilmegen jolaýshyǵa 500 000 teńge moraldyq shyǵyn tóleıtin boldy, dep habarlaıdy Egemen.kz.
Jolaýshy 2025 jylǵy 26 shildede Qyzylorda – Almaty baǵyty boıynsha reıske áýe bıletterin satyp alǵan. Ol 16 tamyzda tirkeýden ótip, áýejaıǵa kelgennen keıin áýe kompanııasynyń qyzmetkerleri tirkeýdiń joıylǵanyn túsindirip, ony áýe kemesiniń bortyna jibermegen.
Osyǵan baılanysty talap qoıýshy sottan jaýapkerden materıaldyq zalaldy (bılet quny jáne baılanysty shyǵyndar), sondaı-aq moraldyq zııan ótemaqysyn óndirýdi suraǵan.
Sot talap qoıýshynyń reıske tirkeýden ótkenin, alaıda áýe kemesine otyrǵyzylmaǵanyn anyqtady.
«Jaýapker sotqa jolaýshyny tasymaldaýdan bas tartýǵa zańdy negizder joq ekenin dáleldeı almady. Osylaısha, áýe kompanııasy jolaýshyny áýe tasymaldaý sharty boıynsha óz mindettemelerin tıisinshe oryndamaǵan jáne talap qoıýshyǵa keltirilgen zalal úshin jaýapty bolyp esepteledi», dep habarlady sot.
Bılet bar, oryn joq: Qaraǵandylyq turǵyn áýekompanııasynan ótemaqy óndirip aldy
Sot sheshimimen talap ishinara qanaǵattandyrylyp, talap qoıýshynyń paıdasyna 500 000 teńge mólsherinde moraldyq zııan ótemaqysy, sondaı-aq sot shyǵyndary óndirildi.
Sot sheshimi zańdy kúshine endi.
Bala ólimine kináli áýekompanııa ótemaqy tóleıtin boldy