Qazaqstan ulttyq quramasynyń bas bapkeri Talǵat Baısýfınov naýryz aıyndaǵy resmı oıyndarǵa «Tobyl» kapıtany Ashat Taǵybergendi shaqyrý múmkindigin qarastyryp jatyr, dep habarlaıdy Egemen.kz.
35 jastaǵy ortalyq jartylaı qorǵaýshynyń jaqsy oıyny men dál osy pozısııadaǵy fýtbolshylardyń azdyǵy Ashat Taǵybergenniń quramaǵa qaıta oralýyna septigin tıgizedi.
Talǵat Baısýfınov «Tobyldyń» reseılik «Ahmat» komandasyna qarsy baqylaý oıynyn kórip, tájirıbeli oıynshynyń groznyılyqtarǵa gol soqqanyn tamashalady. Match qostanaılyqtardyń jeńisimen aıaqtaldy. Esep – 2:1. Qazirgi ýaqytta Ashat Taǵybergenniń ulttyq quramǵa oralý týraly oıy jóninde pikiri belgisiz, alaıda bul taqyrypta bas bapkermen áńgime aldaǵy ýaqytta ótýi múmkin.
«Oqjetpes» fýtbol klýby jekemenshik basqarýǵa ótti
Aıta keteıik, ótken jylǵy maýsymda Ashat Taǵybergen ulttyq quramadaǵy mansabyn aıaqtaǵan bolatyn. Ulttyq quramada ol 65 match ótkizip, tórt gol soqqan.
Sonymen qatar, FIFA Series 2026 týrnıri aıasynda Qazaqstan quramasy 25 naýryzda Komor araldaryna qarsy oınaıdy, al 28 naýryzda alǵashqy oıyndardyń jeńimpazdary men jeńilgenderi (Kýveıt–Namıbııa) arasyndaǵy matchtar ótedi. Barlyq kezdesýler «Astana Arena» stadıonynda ótedi.
«Ordabasy» fýtbol klýby jekemenshikke satyldy