Qol ushyn berse deımin

Men Nurymbetov Polatbaı О́zbekstan Respýblıkasynyń azamatymyn, ul­tym qara­qal­paq, Núkis qalasynda dúnıege kelgenmin. Mańǵystaý oblysynyń ortalyǵy Aqtaý qalasyna 2003 jyldan bastap 3 aı merzimge alynǵan vıza arqyly kelip-ketip qury­lys­tarda jumys istedim. 2005 jyly Aqtaý qalasynyń turǵyny, Qazaqstan azamatshasy Qaltaeva Qarakózge úılendim. Vıza merzimin uzartyp, páter jaldap turyp jattyq. 2006 jyly naýryzda Nurymbet Aıshabıbi, 2007 jyly jeltoqsan aıynda Nurymbet Asylzada degen balalarymyz dúnıege keldi. Qaltaeva Qara­kózben zańdy nekege turǵanyma 6 jyl. 2008 jyly Qazaqstan Respýblıkasynan zańsyz jumys isteıtin mıgranttardy shyǵarý úshin reıdter bastaldy. Otbasymda eki balam, jumyssyz áıelim bolǵandyqtan jasyryn j­u­mys istep júrdim. Únemi páter jaldap, tamaq tabý úshin aqsha tabýym kerek boldy. Biraq jalǵandyq jarǵa jyqty. Ustalyp qaldym. Eki aı ýaqytsha qamaýda jattym. Isim proký­ra­týraǵa berildi. Otbasym, eki balam, taǵy da aıaǵy aýyr áıelim bar ekendigin aıtyp zań oryn­dary­na qansha shaǵymdanǵanymmen ótini­shim aıaqsyz qalyp, 2009 jyldyń mamyr aıynda tól­qujatyma «Qazaqstan Respýblıka­sy sheka­ra­­synan shyǵaryldy» degen sot sheshimi basyldy. Men sot sheshimin oryndaı almadym, bul úshin ózimdi óte aýyr aıyptymyn dep moıyn­daımyn. Buǵan sebep – О́zbekstan Respýb­lı­kasyna qaıtyp barǵanda meniń barar jer, basar taýym joq edi, ıaǵnı ol jaqta eshkimim qal­mady. Qartaıǵan ata-anam 2008 jyly qyr­kúıek, qazan aılarynda birinen soń biri qaıtys boldy. Onyń ústine munda eki balam jáne aıaǵy aýyr áıelim bar edi. Meniń otbasymnyń sol kezderi kórgen qıyndyqtarynan 2009 jyly qyrkúıek aıynda áıelim óli sábı bosandy. Bir azamattardyń kómegimen 2009 jyly Aqtaý qalasyndaǵy shaǵyn avtoturaqtyń kú­zet­shisi bolyp ornalasyp, kúzetshige arnalǵan 1 bólmeli úıge otbasymmen turaqtandym. Avto­tu­raqtyń jınalǵan aqshasyn aı saıyn qo­jaıynǵa tapsyramyn, túndeletip úı jóndeý jumys­taryna jaldanamyn. Tapqan bolmashy tıyn-te­benmen balalarymdy asyradym. Mine, osyndaı ıt tirlikpen osy kúnge de kelip jettik. Úlken balam Aıshabıbi jaqynda mektep tabal­dy­ryǵyn attaǵaly otyr. 2010 jyly qyr­kúıek­te úshinshi balam Nurymbet Gúlbaný dúnıege keldi. Qysta sýyq, jazda ystyq, ómir súrýge qolaısyz avtoturaqta 3 balammen lekerlep ómir keshýdemin. Qolymnan bári keledi, adamsha tirlik etip, jumys istesem deımin. Bárine kedergi bolyp otyr­ǵan sebep elden shyǵarylý jónindegi sheshim. Men Qazaqstan zańnamalaryn buzǵanym úshin ki­nálimin, bul úshin tıisti jaza óteýge ázirmin. B­i­raq men buǵan májbúrlilikten bardym, óıtkeni baýyr etim – balalarymdy tastap kete alma­dym. Maǵan osy gazetke jazǵan hatymdy oqy­ǵan tıisti quqyq qorǵaý organdarynyń azamat­tary qol ushyn berip, Qazaqstan Respýblıkasy azamatty­ǵyn alýǵa yq­pal etýge kómektesse eken deımin. Otbasy ıesi, áke retinde Qazaqstannyń 3 birdeı azamatyn tárbıe­lep, jetkizgim keledi. Qazaqstan Respýblı­kasy­nyń gúldenýi úshin kúsh-qabiletimdi arnasam deımin. Meniń bul ótinishim men sekildi sharasyz kúıde júrgen kóptegen azamatqa shapaǵatyn tıgizedi degen úmittemin. Taǵy da ustalyp, qamaýǵa alynam ba degen úreıden osy kúnge deıin bul aryzdy jazýǵa dármenim jetpedi. Álemge tanymal Qazaq eli Táýelsizdiginiń 20 jyldyq toıy qarsańynda osy basylym arqy­ly muńyma qulaq asady degen úmitpen qolyma qalam aldym... Polatbaı NURYMBETOV, Elektrondy poshta – erlanskii@inbox.ru Áıelimniń ata-anasynyń meken-jaıy - Aqtaý qalasy. Indeks 130000, 28 shaǵyn aýdan, 28 úı, 107 páter.