2011 jylǵy 21 maýsym , Astana, Úkimet Úıi
Temir jol kóligimen poshta jóneltilimderin tasymaldaý qaǵıdasyn bekitý týraly
«Temir jol kóligi týraly» Qazaqstan Respýblıkasynyń 2001 jylǵy 8 jeltoqsandaǵy Zańynyń 14-baby 1-tarmaǵynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Temir jol kóligimen poshta jóneltilimderin tasymaldaý qaǵıdasy bekitilsin. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2011 jylǵy «21» maýsymdaǵy №683 qaýlysymen bekitilgenTemir jol kóligimen poshta jóneltilimderin tasymaldaý qaǵıdasy
1. Jalpy erejeler
1. Osy Temir jol kóligimen poshta jóneltilimderin tasymaldaý qaǵıdasy (budan ári – Qaǵıda) Qazaqstan Respýblıkasynyń «Temir jol kóligi týraly» 2001 jylǵy 8 jeltoqsandaǵy, «Pochta týraly» 2003 jylǵy 8 aqpandaǵy jáne «Baılanys týraly» 2004 jylǵy 5 shildedegi zańdaryna sáıkes ázirlendi, Temir jol kóligimen poshta jóneltilimderin tasymaldaý tártibin aıqyndaıdy, olar mynalardy qamtıdy: 1) jolaýshylar poezdarynyń poshta vagondarynda poshta jóneltilimderin tasymaldaý; 2) poshta jóneltilimderin tasymaldaý úshin eseptesý; 3) poshtany tasymaldaýǵa arnalǵan qujattardy resimdeý. 2. Osy Qaǵıdada mynadaı uǵymdar paıdalanylady: 1) tasymaldaý marshrýty – belgilengen bastapqy jáne sońǵy pýnktteriniń arasyndaǵy poshta jóneltilimderiniń tasymalyn júzege asyratyn tasymaldaýdy uıymdastyrý úderisinde anyqtalǵan Temir jol kólik quraldarynyń júrý joly; 2) poshta operatory – poshta qyzmeti salasynda qyzmet usynýǵa quqyǵy bar jeke nemese zańdy tulǵa; 3) poshta jóneltilimderin tasymaldaý – jolaýshylar poezynyń quramynda jóneltý pýnktinen mejeli pýnktine deıin poshta jóneltilimderin tasymaldaý; 4) temir jol kóligindegi tasymaldaýshy (budan ári – Tasymaldaýshy) – jyljymaly qurammen tasymaldaýdy júzege asyratyn jáne tasymaldaý qujattarynda kórsetilgen zańdy tulǵa; 5) Ulttyq temir jol kompanııasy – Qazaqstan Respýblıkasy Úkimetiniń sheshimi boıynsha qurylǵan, ulttyq basqarýshy holdıng birden bir aksıoneri bolyp tabylatyn, magıstraldyq temir jol jelisin kútip-ustaýdy jáne paıdalanýdy júzege asyratyn, sondaı-aq magıstraldyq temir jol jelisi qyzmetterin kórsetetin aksıonerlik qoǵam; 6) poshta jóneltilimderi – jazbasha hat-habarlar, jiberilimder, poshta konteınerleri, sondaı-aq tıisinshe býyp-túıilgen baspa basylymdary; 7) poshta vagony – poshta jóneltilimderinin tasymaldaýǵa arnalǵan jáne arnaıy jabdyqtalǵan vagon; 8) jolaýshylar poezynyń aınalym pýnkti – jolaýshy poezynyń júrý marshrýtyndaǵy sońǵy stansııasy; 9) jolaýshylar poezyn qalyptastyrý pýnkti – osy poezǵa qyzmet kórsetetin poezd brıgadasyn jáne poezd quramy qalyptastyrylatyn jol júrý marshrýtyna jolaýshylar poezyn jóneltý stansııasy (poezd bastyǵy, poezd elektromehanıgi jáne vagondar jolserikteri); 3. Poshta jóneltilimderin tasymaldaý barlyq Temir jol qatynastary boıynsha júzege asyrylýy múmkin. 4. Tasymalda olarda kaýipti salymdardyń (zattardyń) bolmaýyna qatysty tekserýden ótken poshta jóneltilimderine jol beriledi.2. Temir jol kóligimen poshta jóneltilimderin tasymaldaý tártibi
5. Poshta jóneltilimderin poshta operatorynyń jáne/nemese arnaıy baılanys qyzmetiniń ýákiletti qyzmetkerleri alyp júredi. 6. Tasymaldaýshy jolaýshylar poezy qozǵalysynyń kestesine sáıkes belgilengen ornyna poshta jóneltilimderin jáne arnaıy baılanys jóneltilimderin tasymaldaý úshin barlyq qajetti sharalardy qoldanady. Tasymaldaýshy poshta vagondaryn júrdek, jolaýshy, poshta-bagajdy poezdar quramyna qosýdy qamtamasyz etedi (bekitilgen poezdardy qalyptastyrý syzbasyna sáıkes, sondaı-aq jekelegen ótinimder boıynsha, eger poezdyń tehnıkalyq parametrleri múmkindik berse). 7. Poshta vagondary qosylatyn poezdardy poshta operatorynyń usynýy boıynsha tasymaldaýshy anyqtaıdy. 8. Berý-jınaý, poshta vagondaryn tirkeý jáne olardyń stansııa sheginde turaqtaýy Qazaqstan Respýblıkasy Úkimetiniń qaýlysymen bekitiletin Temir jol kóligimen júk tasymaldaý qaǵıdasynda belgilengen tártippen kelisim negizinde poshta operatory esebinen júzege asyrylady. 9. Eger poshta operatory usynǵan poezd quramyna tehnıkalyq parametrleri boıynsha poshta vagonyn qosý múmkin bolmasa, tasymaldaýshy osy marshrýt boıynsha júretin tıisti poezdy usynady. Bul rette kelispeýshilik eki jaqty tártippen kelissózder arqyly sheshiledi. 10. Eger belgilengen kesteniń qoldanylýy aralyǵynda quramyna poshta vagondary kiretin poezdardyń júrý aralyǵy qysqartylyp nemese alynyp tastalsa, tasymaldaýshy eger tehnıkalyq parametrleri múmkindik berse, poshta operatorynyń kelisimi boıynsha poshta vagondaryn basqa poezd quramyna qosady. 11. Jolaýshylar poezdary qozǵalysynyń jańa kestesin ázirlengen kezde ulttyq temir jol kompanııasy poshta operatoryna kesteniń qoldanysqa engizilýine deıingi bir aı merzimnen keshiktirmeı habarlaıdy. 12. Poezdardy qalyptastyrý shemasynda kózdelgen tehnıkalyq aqaýly vagondardan basqa poshta vagondaryn quramǵa qospaýǵa nemese aǵytýǵa ruqsat etilmeıdi. 13. Poezd quramyndaǵy poshta vagony ornynyń ózgertilýi týraly nemese tehnıkalyq qajettiligine baılanysty jol boıynda poshta vagonyn tehnıkalyq jáne basqa da sebeptermen qaıtse de ajyratý jóninde tasymaldaýshy dereý poshta operatoryna habarlaıdy. 14. Poshta vagonyn aǵytý kezinde stansııa bastyǵy men poshta vagonynyń bastyǵy aǵytýdyń sebepteri kórsetilgen úsh danadaǵy akt jasaıdy. Bir danasy vagon tirkelgen poshta operatorynyń bólimshesine joldanady. 15. Poshta jóneltilimderi tasymaldanatyn vagondarmen aqaýlyq (avarııa) bolǵan jaǵdaıda poezd jáne manevrlyq jumysta aqaýlyq (avarııa) bolǵan stansııanyń bastyǵy nemese aqaýlyq (avarııa) týraly habarlama alǵan stansııa bastyǵy bul jóninde telefonmen nemese ózge de qoljetimdi baılanys quralymen shuǵyl túrde jaqyn aradaǵy poshta operatory bólimshesiniń bastyǵyna habarlaıdy. Mundaı jaǵdaıda poshta operatory bólimshesiniń basshysyna aqaýlyq (avarııa) bolǵan jerge qalpyna keltirý poezy quramynda júrýge ruqsat etiledi. Stansııa bastyǵy poshta operatory qyzmetkerlerine poshta jóneltilimderi men arnaıy baılanys jóneltilimderin qorǵaýǵa jáne basqa vagondarǵa qaıta tıeýge, sondaı-aq poshta jóneltimderin baratyn jeri boıynsha odan ári jóneltý úshin jumys kúshimen nemese basqa da quraldarmen kómek kórsetýi qajet. Bul rette saqtaý ornyna qol jetkizýmen baılanysty jáne vagonda arnaıy jóneltilimderdiń bar bolýy týraly aqparatty ashýǵa ákeletin barlyq is-qımyldar Qazaqstan Respýblıkasy Ulttyq qaýipsizdik komıtetiniń jergilikti organy (departamenti) qyzmetkerleriniń qatysýymen ǵana júrgizilýi múmkin. 16. Poshta jóneltilimi zaqymdalǵan nemese joıylǵan árbir jaǵdaı týraly poshta jóneltilimderiniń joıylý nemese zaqymdalý sebepteri men tizbesi kórsetile otyryp, tasymaldaýshy men poshta operatorynyń qyzmetkerleri birlesip qol qoıǵan akt jasalady. Aktiniń kóshirmesi poshta operatory qyzmetkerlerine beriledi. 17. Poshta vagondaryn tehnıkalyq jaramdy jaı-kúıde ustaý, tehnıkalyq qyzmet kórsetý, poshta vagondaryn depolyq jáne kúrdeli jóndeý poshta operatory esebinen josparǵa jáne sıpattamalarǵa sáıkes jolaýshylar jyljymaly quramy úshin belgilengen merzimderde júrgiziledi. Negizgi toraptardy qaraý, tehnıkalyq qyzmet kórsetý (arba, dońǵalaq juptary, avtotejeýish, avtotirkeý, generator jetegi, býferlik jıyntyqtar) jáne aǵymdaǵy aǵytpa jóndeý tasymaldaýshy kúshimen júrgiziledi. 18. Elektr jabdyǵyn, toraptardy, elektr jáne ishki jabdyqtyń agregattaryn aýystyrýdy qosa alǵanda, ishki jabdyqqa tehnıkalyq qyzmet kórsetý tasymaldaýshynyń nemese ulttyq temir jol kompanııasynyń (tasymaldaýshynyń) kinásinen bolǵan aqaýlyqtardan basqa, shart negizinde poshta operatory qarajattary esebinen ulttyq temir jol kompanııalarynyń (tasymaldaýshynyń) kúshimen júzege asyrylady. 19. Poshta jáne arnaıy baılanys jóneltilimderin aýystyrý belgilengen stansııalarda poezdardy qabyldaý stansııanyń tehnıka-ókim etý aktilerinde aıqyndalǵan jolda júrgiziledi, al basqa jaǵdaıda stansııa boıynsha kezekshi aldyn ala poshta operatorynyń bólimshesine poshta vagonynyń toqtaıtyn jeri týraly habarlaıdy. 20. Poshta jóneltilimderimen almasý kestede belgilengen aıaldaý ýaqytynda júzege asyrylady. Poshtanyń daıyn bolmaý sebebi boıynsha poezdardy kidirtýge jol berilmeıdi. 21. Quramynda poshta jóneltilimderi tasymaldanatyn poezdar keshikken jáne aıyrbastaý pýnktterinde turaqtardy qysqartý jaǵdaıynda tasymaldaýshynyń qyzmetkeri poshta vagonynyń bastyǵyna jáne poshta operatoryna aýyzsha nysanda habarlaıdy. 22. Quramynda poshta vagondary júretin jolaýshylar poezy poshta operatorynyń kinási boıynsha kidirtilgen jaǵdaıda tasymaldaýshy kótergen shyǵystardy (shyǵyndardy) poshta operatory óteıdi. 23. Uzaqtyǵy bes mınýttan kem poshta almasý júrgiziletin stansııalarda poezdardy aıaldaý ýaqytyn qysqartýǵa jol berilmeıdi. 24. Poshta vagondarynan poshta jóneltilimderin tıeýge jáne túsirýge tasymaldaý úshin poshta operatory shaǵyn mehanızasııa quraldaryn, poshta arbalary men konteınerlerdi paıdalanady. Jolaýshylardy otyrǵyzý jáne túsirý ýaqytynda shaǵyn mehanızasııa quraldaryn, arbalar men konteınerlerdi qadaǵalaýsyz tasymaldaýǵa jáne olardyń tuǵyrlar men perrondarda bolýyna ruqsat etilmeıdi. 25. Tıelgen poshta jóneltilimderiniń jalpy salmaǵy poshta vagonynyń júk kótergishtiginen artpaýy tıis. Poshta jóneltilimderiniń salmaǵyn vagon tarazylarynda tasymaldaýshynyń ýákiletti organy tekserýine ruqsat etiledi. 26. Poshta vagondaryn jóneltý tıisti tasymaldaý qujattarymen resimdeledi, olardy poshta operatory bólimsheleriniń ótinimderi negizinde jóneltý stansııasynyń bagaj kassasy árbir vagonǵa jasaıdy. 27. Poshta operatory vagonda bolý tártibin, júrý jáne poshta jóneltilimderin alyp júrý, arnaıy baılanyspen jóneltýler men olardy suryptaý, poshta vagondaryn óńdeý tártibin qyzmetkerlerdiń saqtaýyn tekserýdi derbes júzege asyrady. Jol paraqtaryn tekserý, resimdeý jáne qyzmetkerlerdiń júrý tártibi poshta operatorynyń ishki normatıvtik qujattarymen aıqyndalady. 28. Temir jol kóligimen poshta tasymaldaryn jáne arnaıy baılanys jóneltilimderin tasymaldaýǵa qyzmet kórsetetin poshta operatorynyń qyzmetkerleri, sondaı-aq temir jol stansııalarynda poshta jóneltilimderin jáne arnaıy baılanys jóneltilimderin qabyldaý jáne tapsyrýdy júrgizetin qyzmetkerler ózderiniń qyzmettik kýálikteri boıynsha Temir jol qyzmetkerleri úshin belgilengen qyzmettik ótý joldaryn paıdalanýy múmkin. 29. Shekaralyq temir jol stansııalarynda poezdar toqtaǵan ýaqytta poshta vagondaryn (qoımalyq plombalanǵannan basqa) shekaralyq kedendik qyzmetterdiń qaraýyna ruqsat etiledi. Arnaıy baılanys jóneltilimderi Qazaqstan Respýblıkasynyń memlekettik qupııalardy qorǵaý salasyndaǵy zańnamaǵa, 1993 jylǵy 23 jeltoqsandaǵy Qazaqstan Respýblıkasy ratıfıkasııalaǵan «Arnaıy baılanys jóneltilimderimen memleketaralyq almasý týraly» úkimetaralyq kelisimge sáıkes qarap tekserýge jatpaıdy.3. Poshta jóneltilimderin tasymaldaý úshin esep aıyrysýlar
30. Jóndeý pýnktine deıin júrý jolynda aǵytylǵan tehnıkalyq jaramsyz bos poshta vagondarynyń júrisi, sondaı-aq jaramsyz vagondarǵa aıyrbastaýǵa jiberilgen jaramdy vagondardyń júrisi úshin, eger sońǵylarynyń jaramsyzdyǵy poshta operatorynyń kinásinen bolmasa, tólem boıynsha shot kórsetilgen is-qımyldardy jasaýda kináli taraptarǵa usynylady. 31. Poshta operatory bólimsheleriniń paıdalanýyndaǵy temir jol stansııalary shekterinen tystaǵy bólingen tuıyqtarda poshta vagondaryn berýge, áketýge alym stansııanyń shetki núktesinen joǵaryda kórsetilgen tuıyq núktesine deıingi araqashyqtyqqa baılanysty turý jolyndaǵy árbir berý, áketý úshin Qazaqstan Respýblıkasynyń zańnamasynda belgilengen tarıfter (baǵalar, stavkalar, alymdar) mólsherinde óndirip alynady. 32. Poshta operatorynyń talaby boıynsha jaramdy poshta vagondarynyń júrisi, tehnıkalyq jaramsyz vagondardyń, eger sońǵylarynyń jaramsyzdyǵy poshta operatorynyń kinásynan bolsa, jol júrýi jáne kezeńdik jóndeý merzimi kelgen jóndeýge jiberiletin poshta vagondarynyń júrisi poshta jóneltimderin tasymaldaý úshin belgilengen stavkalar boıynsha tólenedi. Bos vagondardy jóneltýge arnalǵan tasymaldaý qujattarynda poshta baılanysynyń qyzmetkerleri mynadaı jóneltý sebepterin kórsetedi: jaramsyz, jóndeý úshin; jóndeýden keıin tirkelgen ornyna; joldaǵy jaramsyzdy aýystyrý úshin; jaramsyzdy aýystyrǵannan keıin tirkelgen ornyna; stansııaǵa rezerv úshin; jelige qatynaý úshin.4. Poshta jóneltilimderin tasymaldaýǵa arnalǵan qujattardy resimdeý
33. Jolaýshylar tasymaldaryn basqarýdyń avtomattandyrylǵan júıesin paıdalanýmen resimdeýge poshta operatory bólimsheleriniń ótinimderi negizinde jóneltý stansııalarynda jolaýshylar poezdarynyń (vagon boıy jóneltýler) quramyndaǵy poshta vagondarynda poshta jóneltilimderin tasymaldaýǵa arnalǵan qujattar jatady. 34. Jolaýshylar tasymaldaryn basqarýdyń avtomattandyrylǵan júıesimen poshta tasymaldaryna arnalǵan qujattardy resimdeý kezinde poshta vagony júrisiniń quny (tasymaldaý tólemi) esepteledi. 35. Poshta vagony júrisiniń quny (tasymaldaý tólemi) memleket shekarasyn jáne júristiń vagon-kılometrge tarıftik stavkasyn negizge ala otyryp, esepteledi. 36. Kez kelgen temir jol stansııalarynyń arasynda poshta vagondary júrisine tóleýge arnalǵan F.RS-97 túbirtekterin bastapqy jóneltý pýnktinde jolaýshylar tasymaldaryn basqarýdyń avtomattandyrylǵan júıesin paıdalana otyryp, resimdeý kezinde esepke alýǵa tasymaldaý tólemi somalary ǵana jatady, vagon-kılometr jumysty esepke alý júrgizilmeıdi. 37. Poshta vagonynyń aınalý pýnktinde F.RS-97 túbirtekter derekteri negizinde tasymaldaý qujattary resimdeledi (poshtalyq vagondardy jóneltýge quqyq beretin), olar boıynsha poshta tasymaldary boıynsha vagon-kılometr jumystaryn esepke alý júrgiziledi. 38. Poshta tasymaldaryn qolma-qol aqshasyz esep aıyrysý boıynsha resimdeýge ruqsat etiledi.__________________________