Elimizdiń ár tarabyndaǵy alýan túrli mamandar ERG-diń myńdaǵan eńbek ujymyna birikken. Bizdi tek ortaq is qana emes, eńbektiń ortaq qundylyqtary da biriktiredi.
О́nerkásip úshin bul – abstraktili túsinik emes. Jaýapkershilik, kásibı biliktilik pen qaýipsizdik – nátıjege jeteleıtin kún saıynǵy eńbek.
Qazaqstannyń jańa Konstıtýsııasy adam men onyń quqyqtaryn memlekettik saıasattaǵy ortalyq qundylyq retinde aıqyndap, osyǵan erekshe ekpin túsiredi. Kompanııa úshin munyń tikeleı máni bar.
Eńbek etý quqyǵy burynǵydan da ornyqty konstıtýsııalyq negizge ıe boldy. Sonymen qatar jumys ornynyń sapasy, eńbek jaǵdaıy men áleýmettik turaqtylyq júıeli basymdyqqa aınalǵan ekonomıkalyq kózqaras nyǵaıtyldy.
Qaýipsiz eńbek etý quqyǵynyń konstıtýsııalyq turǵyda bekitilýi de mańyzdy. Eńbek qaýipsizdigi tek korporatıvtik mindet qana emes, memleket pen jumys berýshilerdiń tikeleı mindetine aınalyp otyr.
Jańa Konstıtýsııada tabıǵatty qorǵaý, jerge barynsha uqypty ári janashyr kózqaras tanytý – memleket pen azamattardyń jaýapkershiligi ekeni aıqyn jazylǵan. Áleýmettik kepildikter – eń tómengi eńbekaqy, zeınetaqymen qamsyzdandyrý, áleýmettik osal toptardy qoldaý – burynǵydan da ornyqty sıpat aldy. Bul árbir eńbek adamyna qajetti turaqtylyq seziminiń negizi.
Jańa Konstıtýsııa ónimdilik, áleýmettik jaýapkershilik pen adamgershilik ustanym arasyndaǵy zamanaýı tepe-teńdikke negizdelgen. Endigi jerde onyń áleýmettik qana emes, ekonomıkalyq ólshemderi de aıqyn.
Instıtýsıonaldyq ortanyń turaqtylyǵy men boljamdylyǵy bıznestiń damýyna tikeleı áser etedi. Ekonomıkany, ınvestısııalardy jáne óndiristi jańǵyrtý, jańa jumys oryndaryn ashý úshin eń aldymen memlekettik júıeniń uzaq merzimdi ornyqtylyǵy qajet.
Ekonomıkalyq jaǵdaı turaqty ári barshaǵa túsinikti bolǵan jaǵdaıda kásipkerler ósimge, keńeıýge jáne jańa sheshimder engizýge umtylady. Mundaı ortadan kompanııalar, qyzmetkerler jáne jalpy memleket utady.
Bilim berý, ǵylym men ınnovasııalardy basym baǵyttar retinde belgileýdiń de mańyzy zor. Jahandyq básekelestik jaǵdaıynda bilim, tehnologııalar men adam kapıtaly damýdyń sheshýshi resýrsyna aınalyp otyr.
Konstıtýsııada ǵylym, ǵylymı shyǵarmashylyq, tehnologııalyq ilgerileý, ekonomıkany jańǵyrtý jáne jańa salalardy qalyptastyrýdyń uzaq merzimdi negizi retinde tanylǵan.
Búginde ónerkásip, tehnologııalar men ǵylym arasyndaǵy ózara baılanys burynǵydan da aıqyn. Indýstrııanyń básekege qabilettiligi ınnovasııalarǵa, ınjenerlik sheshimderge jáne eldiń ǵylymı áleýetine tikeleı baılanysty.
Jańa Konstıtýsııa memlekettiń uzaq merzimdi ornyqtylyǵy úshin adam kapıtalyn damytýdy strategııalyq túpqazyqqa aınaldyrady.
Bul jaǵdaıda referendým – tek formaldy rásim emes. Bul azamattardyń eldiń bolashaq qurylymyn aıqyndaýǵa tikeleı qatysý tetigi.
ERG-diń myńdaǵan eńbek ujymy Qazaqstannyń jańa Konstıtýsııasyna qatysty referendým ótkizýdi qoldaıdy jáne barshańyzdy daýys berýge shaqyrady.
Biz búgin qabyldaıtyn sheshimder erteńgi keleshegimizdi qalyptastyrady.
ERG Dırektorlary keńesiniń tóraǵasy, Bas atqarýshy dırektory Shýhrat Ibragımov
«Qazhrom» TUK» AQ
«Qazaqstan alıýmınııi» AQ
«Qazaqstan elektrolız zaýyty» AQ
«Sokolov-Sarybaıskoe taý-ken óndiristik birlestigi» AQ
«Shubarkól kómir» AQ
«Evroazıttyq energetıkalyq korporasııasy» AQ
«Qashar keni» AQ
«ERG Service» JShS ujymdary