Aqtóbe oblysynyń Temir aýdanynda jas muǵalimniń máıiti úıiniń aýlasynan tabyldy. Bul oqıǵa boıynsha tergeý jumystary bastaldy, dep habarlaıdy Egemen.kz.
Qaıǵyly oqıǵa Eńbekshi aýylynda boldy. Polısııa málimetinshe, 2002 jyly týǵan jas jigittiń máıiti úı aýlasynan tabylǵan.
«Temir aýdandyq polısııa bólimi 2002 jyly týǵan jas jigittiń qaza bolýy faktisi boıynsha tergeý júrgizip jatyr. Tergeý barysynda oqıǵanyń barlyq mán-jaıy anyqtalatyn bolady. Basqa aqparat tergeýdiń múddesi úshin jarııalanbaıdy», dep habarlady Aqtóbe oblystyq polısııa departamentiniń baspasóz qyzmeti.
Bilim basqarmasy qaza bolǵan adamnyń tarıh pániniń muǵalimi ekenin rastady.
Atyraý oblysynda 10-synyp oqýshysynyń ólimi tergelip jatyr
«Qaza bolǵan adam tarıh pániniń muǵalimi boldy. Jumysyn Marjanbulaq aýylynan bastaǵan. 2025 jyldyń aqpan aıynan bastap Eńbekshi aýylyndaǵy mektep-balabaqshada jumys istedi. Mindetterine jaýapkershilikpen qarap, basshylyq tarapynan oǵan eshqandaı eskertý bolmaǵan», dep habarlady vedomstvo.
Aıta keteıik, jas muǵalim aǵasynyń úıinde turǵan, al ata-anasy Aqtóbede turady. Aldyn ala málimet boıynsha, bul óz-ózine qol jumsaý jaǵdaıy bolýy múmkin.
Belgili kásipkerdiń ólimi: Basty kúdiktige sot úkimi shyqty