Keshe Úkimet úıinde Premer-Mınıstr Baqytjan Saǵyntaevtyń tóraǵalyǵymen Qazaqstan Respýblıkasynyń ekonomıkasyn jańǵyrtý jónindegi memlekettik komıssııanyń kezekti otyrysy ótti.
Otyrys barysynda kvazımemlekettik sektor nysandaryn jekeshelendirý úderisiniń aǵymdaǵy jaǵdaıy boıynsha, elimizdegi bazalyq ındýstrıalandyrý, qorǵanys ónerkásibi, kólik jáne logıstıkany, agroónerkásiptik jáne otyn-energetıkalyq keshenderdi damytý salalaryndaǵy turaqty ekonomıkalyq ósimdi qamtamasyz etý máseleleri talqylandy, dep habarlady Premer-Mınıstrdiń baspasóz qyzmeti.