«Men qazaqpyn» halyqaralyq megajobasy bastalady

«Elbasy rýhanı jańǵyrý jónin­degi jalpyulttyq ıdeıany jarııa­laǵanda jańǵyrý úderisi min­detti túrde eldiń rýhanı tamy­rynan  nár alýy tıis ekenin atap aıtqanyn jaqsy bilesizder. Bizdiń rýhanı tamyrymyz baba­dan mıras bolǵan saltymyz, tili­miz ben mýzykamyz, áde­bıeti­miz desek, onyń ishinde dás­­túrli ánshilik, kúıshilik jáne termeshilik ónerdiń or­ny erekshe. Halqymyzdyń sh­e­ji­re­­men birge kele jatqan osy biregeı ónerdi laıyqty dárip­teý − eldiń birlik ıdeıasyn iske asy­rýdyń asa utymdy qura­ly. Osyny eskere otyryp, Aqpa­rat jáne kommýnıkasııalar mı­nıstr­ligi «Qazaqstan» RTRK» AQ arqyly «Men qazaq­pyn» atty televızııalyq megajo­bany usynyp otyr. Joba­nyń maqsaty – dástúrli ánshi, kúıshi, termeshilerimizdi elimizdiń ár aımaǵynda qalyptasqan óner mektebiniń ókilderin keńi­nen dáripteý. Tańdaýly týyn­dy­lardy óskeleń urpaq­qa zamanaýı formatta nası­hat­taý. О́ner báıgesine halyq kompo­zıtor­larynyń shyǵar­malaryn, halyq ánderin oryndaıtyn ónerpazdar qatysady. Olardyń ishinen eń úzdigi televızııalyq baıqaýǵa joldama alady», dedi mınıstr.  Sonymen qatar, «Qazaqstan» RTRK» AQ Basqarma tóraǵasy Erlan Qarın jobanyń óńirlerdegi alǵashqy baıqaýlary 5 maýsymda bastalatynyn tilge tıek etip, oǵan elimizden bólek,  Reseı Federasııasy, Qytaı Halyq Respýblıkasy, Mońǵolııa men Altaıda turatyn qandastarymyz da qatysa alatynyn jetkizdi.  «О́ńirlerdegi irikteý jarys­tary maýsym aıynyń sońyn­da aıaqtalady dep jospar­la­ný­da. Al shilde aıynda Reseı, Qytaı, Mońǵolııa men Altaıda ótkizemiz. Jobanyń irik­teý kezeńinen túsirilgen kúnde­lik­ter «Qazaqstan» ulttyq tele­ar­na­synyń efırinen 9-27 tamyz aralyǵynda kórsetile bas­taıdy. Al joba efırge tolyq kúıin­de osy jyldyń  3 qyr­kúıe­ginen enedi dep kútilýde. Kún­de­likterdi shyǵarýǵa arnaıy shyǵar­mashy­lyq eki top quryp otyrmyz. Bir topty tanymal kúıshi, sazger, L.N.Gýmılev atyndaǵy Eýra­zııa ult­tyq ýnıversıtetiniń aǵa mamany, halyqaralyq «Shabyt» festıvaliniń laýreaty, halyqaralyq Qurmanǵazy atyn­daǵy baıqaýdyń laýreaty, res­pýb­lıkalyq «Asyl mura» baı­qaýynyń laýreaty, Mádenıet salasynyń úzdigi Aıbek Bekbosyn júrgizetin bolady. Ekinshi topty dástúrli ánshi, Memlekettik kúzet qyzmeti Prezıdent orkestiriniń ánshisi, halyqaralyq «Shabyt» festıvaliniń laýreaty, Ámire Qashaýbaev, Estaı Berkimbaev atyndaǵy respýblıkalyq baı­qaý­lardyń laýreaty Allajar Qaı­bar júrgizedi. Aıta ketetin taǵy bir jaıt, jobaǵa 18 ben 40 jas aralyǵyndaǵy ónerpazdar qaty­sa alady»,  dedi ol.

Raýan QAIDAR, «Egemen Qazaqstan»